UDutheronomi 12:20 - iBhayibhili Elingcwele 1978

²⁰ Lapho iNkosi uNkulunkulu wenu isandisa ilizwe lenu njengokulithembisa kwayo, beselikhanuka inyama, lithi: Sifisa ukudla inyama; lizakudla inyama enengi njengokufisa kwenu.

IBhayibhili Elingcwele LesiNdebele

²⁰ Nxa uThixo uNkulunkulu wenu eseqhelisile ilizwe lenu njengokulethembisa kwakhe, libe seliloyisa ukudla inyama lithi, ‘Ngifisa ukudla inyama,’ kulapho elizakudla khona lize lifike lapho elithanda khona.

UDutheronomi 12:20 ပူးပေါင်းရင်းမြစ်များ

UGenesisi 28:14

inzalo yakho izakuba ngangothuli lomhlabathi, usabalalele ngasentshonalanga langasempumalanga langasenyakatho langaseningizimu; ngawe langenzalo yakho lonke usendo lomhlaba luzabusiswa.

UGenesisi 31:30

Khathesi kusobala ukuthi ufuna ukuhamba ngoba ukhanuka indlu kayihlo; kodwa webeleni izithombe zami na?

2 USamuyeli 13:39

Inhliziyo kaDavida yamkhanuka uAbisalomu kakhulu, ngoba wayeseduduzekile ngokufa kukaAmnoni.

2 USamuyeli 23:15

UDavida wasesoma kakhulu, wathi: Hawu, kungathi nginganathiswa amanzi omthombo waseBetlehema ongasesangweni.

1 ImiLando 4:10

UJabezi wakhuleka kuNkulunkulu kaIsrayeli esithi: Kungathi ungangibusisa, ungiphe amazwe amakhulu; isandla sakho kasibe lami, ungivikele ebubini, ngingehlelwa yibuhlungu! UNkulunkulu wamnika lokho akucelayo.

AmaHubo 107:9

Ngoba iyamkholisa owomileyo, imsuthise ngokuhle olambileyo.

AmaHubo 119:174

Ngiyalangatha ukukhulula kwakho, Nkosi, umlayo wakho uyintokozo yami.

AmaHubo 119:20

Umphefumulo wami uyalangatha kakhulu izahlulelo zakho ngezikhathi zonke.

AmaHubo 119:40

Khangela, ngiyalangatha imithetho yakho; ngivuselela ngokulunga kwakho.

AmaHubo 63:1

Nkulunkulu, wena unguNkulunkulu wami, ngiyakukudinga, umphefumulo wami womela wena, lomzimba wami uyakomela njengelizwe elomileyo lapho kungelamanzi khona.

AmaHubo 84:2

Umphefumulo wami uyalangatha, yebo, uyomela amaguma ethempeli leNkosi. Inhliziyo yami lomzimba wami kuyahlabelela ngokuthaba kuNkulunkulu ophilayo.

U-Eksodasi 23:31

Ngizakumisa imikhawulo yakho kusukela oLwandle oluBomvu kuze kufike olwandle lwamaFilistiya, kusukela enkangala kuze kufike emfuleni iYufrathi; ngoba ngizanikela esandleni sakho abakhileyo belizwe; uzabaxotsha phambi kwakho.

U-Eksodasi 34:24

Ngoba ngizaxotsha izizwe phambi kwakho, ngandise imikhawulo yelizwe lakho; kakuyikuba lamuntu ofisa ilizwe lakho lapho wenyuka ukuyabonakala phambi kweNkosi uNkulunkulu wakho kathathu ngomnyaka.

AmaNani 11:20

kodwa inyanga yonke, ize iphume ngamakhala enu, ilitshiphele, ngoba liyilahlile iNkosi ephakathi kwenu, lakhala phambi kwayo lathi: Saphumelani eGibithe na?

AmaNani 11:34

Ngakhoke leyondawo yathiwa yiKibirothi‐Hathava, ngoba bangcwaba khona abantu ababeyizihwaba zenyama.

AmaNani 11:4

Ududu lwabantu olwaluphakathi kwabo lwaqala ukukhanuka izinto ezinhle, labantu bakoIsrayeli baphinde bakhala, bathi: Ngubani ozakusipha inyama ukuba sidle na?

2 AbaseKhorinte 9:14

Bazalilangatha belikhulekela ngenxa yenotho yomusa uNkulunkulu alinike wona.

UDutheronomi 11:24

Zonke indawo lapho inyawo zenu zinyathela khona zizakuba ngezenu; ilizwe lenu lizakusukela enkangala, laseLebanoni, lasemfuleni iYufrathi, lize lifike olwandle ngasentshonalanga.

UDutheronomi 12:15

Kantike lingahlaba lidle inyama enengi phakathi kwayo yonke imizi yenu njengokufisa kwenu, lanjengesibusiso seNkosi uNkulunkulu wenu elinike sona; abangahlambulukanga labahlambulukileyo bangadla inyama yomziki leyempala.

UDutheronomi 12:21

Uba indawo iNkosi uNkulunkulu wenu ezakuyikhetha ukuba ibizo layo lidunyiselwe kiyo ikhatshana lani, lingahlaba enkomeni zenu loba ezimvini zenu iNkosi elinike zona, njengokulilaya kwami, lidlele emizini yenu lize lisuthe.

UDutheronomi 19:8

Uba iNkosi uNkulunkulu wenu isandisa ilizwe lenu njengokufunga kwayo kubokhokho benu, ilinike lonke ilizwe eyathembisa ukubanika lona,

AbaseFiliphi 1:8

Ngoba uNkulunkulu ungufakazi wami wokuthi ngiyalilangatha kangakanani lonke ngothando lukaKristu Jesu uqobo.

AbaseFiliphi 2:26

ngoba wayelilangatha lonke, ekhathazekile ngoba lizwile ukuthi ubegula.