UDutheronomi 12:2 - iBhayibhili Elingcwele 1978

² Impela lizakudiliza zonke indawo lapho izizwe elizakuzinqoba zazikhonzela khona onkulunkulu bazo, ezintabeni eziphakemeyo lasemaqaqeni langaphansi kwezihlahla zonke eziluhlaza;

IBhayibhili Elingcwele LesiNdebele

² Dilizani ngokupheleleyo zonke izindawo izizwe elizinqobayo ezazikhonzela onkulunkulu bazo khona, ezintabeni eziphakemeyo lasemaqaqeni kanye langaphansi kwezihlahla ezinabileyo.

UDutheronomi 12:2 ပူးပေါင်းရင်းမြစ်များ

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

1 AmaKhosi 3:2

Abantu babelokhu benikela imihlatshelo endaweni eziphakemeyo zokukhonzela, ngoba yayingakakhiwa indlu lapho iNkosi ingadunyiselwa khona.

2 AmaKhosi 11:18

Bonke abantu baya endlini kaBali, bayidilizela phansi, badiliza lama‐altare akhe lezithombe zakhe, babulala uMathani umpristi kaBali phambi kwama‐altare. UJehoyada wabeka abalindi ethempelini.

2 AmaKhosi 16:4

Wanikela imihlatshelo, watshisa impepha endaweni eziphakemeyo zokukhonzela laphezu kwamaqaqa langaphansi kwazo zonke izihlahla ezinkulu.

2 AmaKhosi 23:13

Inkosi yangcolisa indawo eziphakemeyo zokukhonzela ezazingasempumalanga kweJerusalema, ngaseningizimu kwentaba ethiwa iOliveti, uSolomoni inkosi yakoIsrayeli eyayizakhele uAshitorethi unkulunkulukazi oyisinengiso samaSidoni, loKemoshi unkulunkulu oyisinengiso saseMowabi, loMilkomu unkulunkulu oyisinengiso samaAmoni.

AmaHubo 78:58

Bamthukuthelisa ngezindawo zabo eziphakemeyo zokukhonzela, bavusa umona wakhe ngezithombe zabo.

U-Eksodasi 23:24

Ungakhothameli onkulunkulu babo, ungabakhonzi, ungenzi njengokwenza kwabo; kodwa ubachithe impela, ubhidlize insika ezingcwele zabo.

U-Isaya 36:7

Uba lisithi kimi: Thina sithemba iNkosi uNkulunkulu wethu; kanti angithi yiyo elezindawo zayo eziphakemeyo zokukhonzela lama‐altare ayo uHezekiya awasusileyo, wathi ebantwini bakoJuda labaseJerusalema: Lizakhonza phambi kwaleli ialtare?

UJeremiya 17:2

abantwana babo besakhumbula ama‐altare abo, lensika zabo ezimiselwe unkulunkulukazi uAshera eziphansi kwazo zonke izihlahla eziluhlaza, lasemaqaqeni aphakemeyo,

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UJeremiya 3:2

Phakamisela amehlo akho emadundulwini angelalutho, ubone. Kungaphi lapho ungalalelwanga khona na? Ngasezindleleni wahlalela izithandwa njengomArabiya enkangala. Ulingcolisile ilizwe ngobufebe bakho obubi.

UJeremiya 3:6

INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

UHosiya 4:13

Benza imihlatshelo engqongeni zentaba, banikela iminikelo phezu kwamaqaqa, ngaphansi kwezihlahla ezinkulu, langaphansi kwemikhaya emhlophe. Langaphansi kwezihlahla ezinkulu lezilamahlamvu ngoba zilemithunzi emihle. Ngakhoke amadodakazi enu ayawula, labalobokazi benu bayafeba.

AmaNani 22:41

Kusisa uBalaki wamthatha uBalami, wamkhwelisa endaweni ephakemeyo yokukhonzela ethiwa iBamothi‐Bali, wabona lapho ingxenye yezihonqo zabakoIsrayeli.

UDutheronomi 7:5

Kodwake uzakwenza lokhu kuzo; uzadiliza ama‐altare azo, ubulale insika zazo zokukhonzela, ugamule insika zazo ezimiselwe unkulunkulukazi uAshera, utshise ngomlilo izithombe zazo ezibaziweyo.

Abahluleli 2:2

lani kaliyikwenza isivumelwano labakhileyo balelilizwe, lizadiliza ama‐altare abo. Kodwa kaliwulalelanga umlayo wami. Kuyini lokhu elikwenzileyo na?