UDutheronomi 12:17 - iBhayibhili Elingcwele 1978

¹⁷ Lingadleli emizini yenu okwetshumi kwamabele enu lokwewayini lenu lokwamafutha enu, loba amazibulo ezinkomo zenu lawezimvu zenu, loba iminikelo yokugcwalisa izithembiso zenu elizithembisayo, loba iminikelo yenu yesihle, lomnikelo wokuphana kwenu;

IBhayibhili Elingcwele LesiNdebele

¹⁷ Lingakudli emadolobheni enu okwetshumi kwamabele enu kanye lokwewayini elitsha lamafutha, loba amazibulo emihlambi yezifuyo zenu, lakho konke eselifunge lathembisa ukuba lizanikela ngakho, leminikelo yenu yokuzithandela loba izipho eziqakathekileyo.

UDutheronomi 12:17 ပူးပေါင်းရင်းမြစ်များ

2 ImiLando 31:14

UKore indodana kaImna umLevi, umgcini wesango langasempumalanga, wayephethe iminikelo yesihle kaNkulunkulu ukwaba iziphiwo ezinikelwe eNkosini lezinto ezingcwele kakhulu.

1 AbaseKhorinte 10:18

Khangelani isizwe sakoIsrayeli. Abadlayo imihlatshelo kabasibo abahlanganyela lealtare na?

UDutheronomi 12:11

kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini.

UDutheronomi 12:26

Izinto ezingcwele elifanele ukuzinikela, leminikelo yokugcwalisa izithembiso zenu lizakuzithatha, liye endaweni ezakuyikhetha iNkosi,

UDutheronomi 12:6

lilethe iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yokugcwalisa izithembiso zenu, leminikelo yesihle, lamazibulo ezinkomo zenu lawezimvu zenu;

UDutheronomi 26:12

Lapho usuqedile ukunika okwetshumi kwezithelo zakho ngomnyaka wesithathu, ongumnyaka wokunika okwetshumi, usukunike umLevi lowemzini lentandane lomfelwakazi ukuba badle basuthe emizini yakho,

UDutheronomi 26:14

Kangidlanga lokukodwa okwetshumi lapho bengilila, kangikuthathanga lapho bengingcolile, kangikunikelanga kofileyo; ngililalele ilizwi leNkosi uNkulunkulu wami, ngenzile njengokungilaya kwakho.

1 USamuyeli 1:4

Kwakusithi mhla uElkana ehlabela iNkosi, anike uPenina umkakhe lawo wonke amadodana lamadodakazi akhe izabelo zenyama;