UDutheronomi 11:12 - iBhayibhili Elingcwele 1978

¹² ilizwe elilondolozwa yiNkosi uNkulunkulu wenu, amehlo ayo alikhangela njalo, kusukela ekuqaleni komnyaka kuze kube sekupheleni kwawo.

IBhayibhili Elingcwele LesiNdebele

¹² Yilizwe uThixo uNkulunkulu wenu alikhathalelayo, amehlo kaThixo wenu aphezu kwalo kusukela ekuqaleni komnyaka kuze kube sekupheleni kwawo.

UDutheronomi 11:12 ပူးပေါင်းရင်းမြစ်များ

1 AmaKhosi 9:3

yathi kuye: Ngizwile ukukhuleka kwakho lokucela kwakho okwenzileyo phambi kwami. Sengiyenze yaba ngcwele lindlu oyakhileyo ukuba ibizo lami lidunyiselwe khona kuze kube nininini; amehlo ami lenhliziyo yami kuzakuba kuyo isikhathi sonke.

2 AmaKhosi 18:32

ngize ngifike ngilithathe, ngilise elizweni elifanana lelizwe lakini, ilizwe eligcwele amabele lewayini lomumbu lezivini lezihlahla zamaoliva lenyosi, ukuze liphile lingafi. Lingamlaleli uHezekiya nxa elikhohlisa ngokuthi: INkosi uNkulunkulu izakusikhulula.

U-Ezra 5:5

Kodwa uNkulunkulu wabo wabalondoloza abadala babaJuda, kababamisanga kuze leyondaba ifinyelele kuDariyu, abuyise impendulo ngencwadi ngayo.

AmaHubo 33:18

Khangela, ilihlo leNkosi liphezu kwabayesabayo, kwalabo abathemba othandweni lwayo olungapheliyo,

AmaHubo 34:15

Amehlo eNkosi akubo abalungileyo, lezindlebe zayo zilalela ukukhala kwabo.

AmaHubo 65:11

Uyaphelelisa umnyaka ngokuphana kwakho; izindlela zakho zigcwele okunengi.

U-Isaya 36:17

ngize ngifike, ngilithathe, ngilise elizweni elifanana lelizwe lakini, ilizwe eligcwele amabele lewayni, ilizwe eligcwele ukudla lezivini.

UJeremiya 24:6

Ngizabaphatha kuhle, ngibabuyise kulelilizwe. Ngizakubakha, ngingabadilizi, ngibagxumeke, ngingabasiphuni,