UDutheronomi 1:17 - iBhayibhili Elingcwele 1978

¹⁷ Ekwahluleleni kwenu lingabi labandlululo, kodwa zwanini omncinyane njengomkhulu: lingesabi muntu, ngoba ukwahlulela kungokukaNkulunkulu. Lethani kimi indaba ezilahlulayo ukuba ngizizwe.

IBhayibhili Elingcwele LesiNdebele

¹⁷ Lingathathi hlangothi ekwahluleleni; hluzani amacala abancinyane labakhulu ngokufananayo. Lingesabi loba ngubani, ngoba ukwahlulela ngokukaNkulunkulu. Kuthi icala elinzima lililethe kimi, ngizalihluza ngilahlulele.’

UDutheronomi 1:17 ပူးပေါင်းရင်းမြစ်များ

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

2 USamuyeli 14:14

Sifanele ukufa sonke, sinjengamanzi achithekele phansi angaselakubuthwa futhi; kodwa uNkulunkulu uzamyekela umuntu ongenzi olahliweyo ahlale exotshiwe.

2 ImiLando 19:5

Wabeka abahluleli elizweni kuyo yonke imizi ebiyelweyo yakoJuda, kulowo lalowomuzi,

2 ImiLando 19:6

wathi kibo: Linanzelele elikwenzayo, ngoba kalahluleli ebizweni lomuntu kodwa eleNkosi uNkulunkulu; yona izalisiza ekwahluleleni.

UJobe 31:34

ngoba ngisesaba ukunyeya phakathi komuzi, ingabe ukuhlekwa ngabantu bakithi, ngakhoke ngathula, kangizanga ngiphume endlini.

AmaHubo 82:2

Koze kube nini lisahlulela ngokungalunganga, likhetha ababi na?

U-Eksodasi 18:18

Impela uzakuzidinisa kanye lalababantu abalawe; ngoba lokhu kuyakusinda, kawulakukwenza wedwa.

U-Eksodasi 18:22

kube yizo ezahlulela abantu ngazo zonke izikhathi, kulethwe kuwe zonke indaba ezinkulu, kodwa indaba ezincinyane zahlulelwe yizo, ukuze kube lula kuwe, zithwalisane lawe.

U-Eksodasi 18:26

Zabahlulela abantu ngezikhathi zonke; zaletha kuMose indaba ezinkulu, kodwa indaba ezincinyane zazahlulela zona.

Izaga 18:5

Kakulunganga ukuba lesihawu komubi, ukuze avalele olungileyo okufaneleyo.

Izaga 24:23

Nanka amanye amazwi abahlakaniphileyo. Ubandlululo ekwahluleleni kalulunganga.

Izaga 28:21

Ukubandlulula abantu ekwahluleleni kakulunganga; kodwa umuntu angona ukuba azuze ucezu lwesinkwa nje.

Izaga 29:25

Ukwesaba abantu kuyingozi, kodwa othemba eNkosini uvikelekile.

UJeremiya 1:17

Kodwa wena, mana isibindi, usuke, ukhulume kibo konke engikulaya khona. Ungabesabi, funa ngehlisele phezu kwakho ukwesaba phambi kwabo.

ULevi 19:15

Lingahluleli ngokungalungi; lingakhethi ongumyanga loba omkhulu, kodwa lahlulele umakhelwane wenu ngokulungileyo.

UMalaki 2:9

Ngakhoke mina ngilenzile laba ngabadelelekayo labehliselwe phansi phambi kwabantu bonke, ngoba lingagcinanga indlela zami, kodwa libandlulule abantu ekufundiseni kwenu.

UMatewu 22:16

Bathumela kuye abafundi babo kanye labakaHerodi, bathi: Mfundisi, siyazi ukuthi wena uqotho, ufundisa indlela kaNkulunkulu ngeqiniso; kawukhathali ngomuntu, ngoba kawunanzi isimo somuntu.

UMakho 12:14

Beza bathi kuye: Mfundisi, siyazi ukuthi wena uqotho, kawukhathali ngomuntu, ngoba kawunanzi isimo somuntu, kodwa ufundisa indlela kaNkulunkulu ngeqiniso. Kuvunyelwe yini ukuthela kuKesari ingabe atshi? Sithele ingabe singatheli na?

ULukha 20:21

Bambuzake besithi: Mfundisi, siyazi ukuthi wena ukhuluma ufundise ngokuqondileyo, kawukhathaleli muntu, kodwa ufundisa indlela kaNkulunkulu ngeqiniso.

AbaseRoma 2:11

Ngoba uNkulunkulu kakhethi muntu;

Abase-Efesu 6:9

Lani makhosi, yenzani ngokunjalo kuzo, liyekele ukuzisongela, lazi ukuthi iNkosi yazo leyenu isezulwini, lokuthi kayibandlululi muntu yona.

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

UDutheronomi 16:19

Lingonakalisi ukulunga, lingabandlululi muntu, lingamukeli umvuzo wokuthengwa, ngoba uphumputhekisa amehlo abahlakaniphileyo, wonakalise indaba yabalungileyo.

UDutheronomi 24:17

Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

UDutheronomi 25:1

Uba abantu bexabana, baye kubathonisisi, abathonisisi bazakubathonisisa, bayekele ongelacala, balahle olecala.

AbaseKholose 3:25

Owenza okubi uzakwamukeliswa okubi akwenzileyo; uNkulunkulu kabandlululi muntu.

1 AbaseThesalonika 2:4

kodwa njengoba sivunyiwe nguNkulunkulu ukuba siphathiswe ivangeli, siyakhulumake, singenzeli ukuthokozisa abantu kodwa ukuthokozisa uNkulunkulu ohlolayo inhliziyo zethu.

UJakhobe 2:9

Kodwa uba libandlulula abantu lenza isono, lomlayo ulilahla njengabaweqayo.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

1 USamuyeli 16:7

Kodwa iNkosi yathi kuSamuweli: Ungakhangeli isimo sakhe lobude bakhe, ngoba ngimalile. INkosi kayibonisi okomuntu; umuntu ubona okusemehlweni, kodwa iNkosi ibona okusenhliziyweni.

1 USamuyeli 2:25

Uba umuntu esona omunye umuntu, uNkulunkulu uzakwahlulela phakathi kwabo; kodwa uba umuntu esona eNkosini, uzalanyulelwa ngubani na? Kodwa kawalalelanga ilizwi likayise; ngoba iNkosi yayifuna ukuwabulala.