UDanyeli 9:3 - iBhayibhili Elingcwele 1978

³ Ngasengikhuleka eNkosini uNkulunkulu, ngayincenga, ngizila ukudla, ngigqoke izambatho zokulila, ngihlezi esilotheni.

IBhayibhili Elingcwele LesiNdebele

³ Yikho ngaphendukela eNkosini uNkulunkulu ngamncenga ngomkhuleko langokulabhela, langokuzila, ngigqoke amasaka ngazibhuqa emlotheni.

UDanyeli 9:3 ပူးပေါင်းရင်းမြစ်များ

2 USamuyeli 12:16

UDavida wamkhulekela kuNkulunkulu umntwana; wazila ukudla, wangena walala phansi ubusuku bonke.

U-Ezra 10:6

UEzra wasesuka phambi kwendlu kaNkulunkulu, waya endlini kaJehohanani indodana kaEliyashibi lapho ayalala khona; kadlanga kudla, kanathanga manzi, ngoba wayelilela ububi babathunjiweyo abasebebuyile.

U-Ezra 8:21

Ngasengimemezela ukuzila ukudla khona ngasemfuleni iAhava ukuba sizithobe phambi kukaNkulunkulu wethu, sizicelele kuye indlela eqondileyo thina labantwana bethu lazo zonke impahla zethu.

U-Ezra 9:5

Ngesikhathi somnikelo wakusihlwa ngasukuma ekuzileni kwami ukudla, ingubo yami lesigqoko sami kudabukile, ngaguqa ngamadolo ami, ngaphakamisela izandla zami eNkosini uNkulunkulu wami,

UNehemiya 9:1

Ngosuku lwamatshumi amabili lane lwaleyonyanga abakoIsrayeli babuthanela ukuzila ukudla, begqoke izambatho zokulila, begcwele uthuli emakhanda.

U-Esta 4:16

wathi: Hamba uyebuthanisa bonke abaJuda abaseSusa, lizile ukudla ngenxa yami, lingadli linganathi okwensuku ezintathu ubusuku lemini. Lami lezincekukazi zami sizazila ukudla njengani. Ngemva kwalokho ngizakuya enkosini loba lokhu kuphambene lomthetho; uba ngibhubha, ngizabe ngibhubhile njalo.

UJobe 42:6

Ngakhoke sengizisola, ngiyaphenduka ngihlale othulini lasemlotheni.

AmaHubo 35:13

Kanti ekuguleni kwabo ngagqoka ezokuzila, ngazihlupha ngokuzila ukudla, ngakhuleka ngikhothamise ikhanda lami,

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

UJeremiya 33:3

Ngibiza, ngizakusabela, ngikutshele izinto ezinkulu ezifihlakeleyo ongazaziyo.

UHezekhiyeli 36:37

INkosi uNkulunkulu ithi: Lalokhu abakoIsrayeli bazangicela ukuba ngibenzele khona, ukuba ngandise abantu babo ngangomhlambi,

UDanyeli 6:10

Lapho uDaniyeli asesazi ukuthi inkosi isigwalile encwadini, wangena endlini yakhe; amawindi endlu yakhe ephezulu ayekhangele iJerusalema. Waguqa kathathu ngosuku ekhuleka edumisa uNkulunkulu wakhe njengokwenza kwakhe insuku zonke.

UDanyeli 9:2

ngomnyaka wokuqala wokubusa kwakhe, mina Daniyeli ngabona ezincwadini ukuthi ubunengi beminyaka yokuchitheka kweJerusalema, elakhuluma ngayo ilizwi leNkosi kuJeremiya umprofethi, uzakuba yiminyaka engamatshumi ayisikhombisa.

UDanyeli 9:20

Kwathi ngisakhuluma ngikhuleka, ngivuma izono zami lezono zabantu bakithi uIsrayeli, ngincenga iNkosi uNkulunkulu wami ngentaba engcwele kaNkulunkulu wami,

UDanyeli 9:4

Ngakhuleka eNkosini uNkulunkulu wami, ngavuma izono ngathi: Wena Nkosi, Nkulunkulu omkhulu lowesabekayo, ogcina isivumelwano lothando olungapheliyo kwabakuthandayo labagcina imilayo yakho,

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UJona 3:5

Abantu baseNineve bakholwa kuNkulunkulu, bamemezela ukuba kuzilwe ukudla, bagqoka izambatho zokulila, kusukela komkhulu wabo kwaze kwafika komncinyane.

UMatewu 17:21

Kodwa loluhlobo kaluphumi ngaphandle kokuba kube ngokukhuleka langokuzila ukudla.]

ULukha 2:37

wayesengumfelwakazi waze waba leminyaka engamatshumi aficaminwembili lane, engasuki ethempelini, ekhonza ngokuzila ukudla langokukhuleka ebusuku lemini.

Imisebenzi 10:30

UKorneliya wathi: Ngensuku ezine ezidlulileyo ngalesisikhathi ngangikhuleka endlini yami ngesikhathi semini yantambama; ngasengibona indoda imi phambi kwami yambethe ingubo ezikhazimulayo,