UDanyeli 7:27 - iBhayibhili Elingcwele 1978

²⁷ Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

IBhayibhili Elingcwele LesiNdebele

²⁷ Lapho-ke ubukhosi, lamandla lobukhulu bemibuso leyo ngaphansi kwezulu lonke kuzaphiwa abangcwele, abantu bakhe oPhezukonke. Umbuso wakhe uzakuba ngumbuso ongapheliyo, njalo bonke ababusi bazamkhonza bamlalele.

UDanyeli 7:27 ပူးပေါင်းရင်းမြစ်များ

AmaHubo 145:13

Umbuso wakho ungumbuso ongapheliyo, lobukhosi bakho bumi kuzo zonke izizukulwana. INkosi ithembekile emazwini ayo wonke, igcwele umusa ezenzweni zayo zonke.

AmaHubo 22:27

Imikhawulo yonke yomhlaba izakukhumbula, iphendukele eNkosini; lezizukulwana zonke zezizwe zizakhonza phambi kwayo.

AmaHubo 72:11

Amakhosi wonke azakuwa phansi phambi kwayo, izizwe zonke ziyikhonze.

AmaHubo 86:9

Izizwe zonke ozenzileyo zizakuza zikhothame phambi kwakho, Nkosi, zidumise ibizo lakho.

U-Isaya 14:2

Abantu bezizwe bazakubaphelekezela, babase endaweni zabo, abakoIsrayeli bazakubathumba elizweni leNkosi babe yizigqili zabo. Bazakuthumba abathumbi babo, babuse abacindezeli babo.

U-Isaya 54:3

Ngoba uzaqhela ugcwale indawo zonke, lenzalo yakho izakubusa indawo ebanzi, yakhe futhi imizi esingamanxiwa.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 6:26

Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

uObadiya 1:21

Abasilileyo bakhwele entabeni yaseZiyone ukubusa intaba kaEsawu; iNkosi yiyo ezakubusa.

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

ULukha 1:33

uzakubusa phezu kwendlu kaJakobe kuze kube nininini, lombuso wakhe kawuzukuba lakuphela.

UJohane 12:34

Ngakho ixuku lamphendula lathi: Sizwile emlayweni ukuthi uKristu uhlala kokuphela; ungatsho kanjani ukuthi iNdodana yomuntu imele ukuphakanyiswa na? Ingubani iNdodana yomuntu na?

1 AbaseKhorinte 15:24

andubana kufike ukuphela, lapho esenikela umbuso kuNkulunkulu uYise, lalapho esechithile konke ukubusa, lobukhosi, lamandla.

Isambulo 11:1

Ngasenginikwa umhlanga wokulinganisa, ofana lodondolo, kwathiwa: Sukuma, ulinganise ithempeli likaNkulunkulu, lealtare, ubale labakhonzayo khona.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.