UDanyeli 6:16 - iBhayibhili Elingcwele 1978

¹⁶ Inkosi yasilaya ukuba uDaniyeli alethwe, aphoselwe emgodini wezilwane. Yathi kuDaniyeli: Kungathi uNkulunkulu wakho omkhonzayo njalonjalo angakukhulula!

IBhayibhili Elingcwele LesiNdebele

¹⁶ Ngakho inkosi yasikhupha umlayo, basebemletha uDanyeli bamphosela emphandwini wezilwane. Inkosi yathi kuDanyeli, “Sengathi uNkulunkulu wakho omkhonzayo njalonjalo angakuhlenga!”

UDanyeli 6:16 ပူးပေါင်းရင်းမြစ်များ

2 USamuyeli 3:39

Lami lamuhla ngibuthakathaka lanxa ngigcotshwe ngaba yinkosi; lababantu, amadodana kaZeruya, bayangahlula. INkosi uNkulunkulu kayiphindisele owenza okubi ngobubi bakhe.

UJobe 5:19

Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

Izaga 29:25

Ukwesaba abantu kuyingozi, kodwa othemba eNkosini uvikelekile.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

U-Isaya 43:2

Lapho udabula emanzini ngizakuba lawe; lalapho udabula emifuleni, kayiyikukukhukhula; lalapho uhamba emlilweni, kawuyikutsha, lelangabi kaliyikukutshisa.

UJeremiya 26:14

Kodwa mina ngisezandleni zenu. Yenzani kimi njengokuthanda kwenu lanjengokufanele kini.

UJeremiya 38:5

Inkosi uZedekiya yathi: Nangu, usezandleni zenu, ngoba inkosi kayilamandla okwenza ulutho oluphambene lani.

UJeremiya 38:6

Basebemthatha uJeremiya, bamphosela emgodini kaMalikiya indodana yenkosi, owawusegumeni labalindi, bamehlisela phakathi ngamagoda. Umgodi wawungelamanzi, kodwa wawugcwele udaka. UJeremiya watshona odakeni.

UJeremiya 39:17

Kodwa wena ngizakukukhulula ngalolosuku, kutsho iNkosi, kawuyikunikelwa ezandleni zabantu obesabayo;

UDanyeli 3:15

Khangelani, uba selilungile, lapho lisizwa ukukhala kophondo, lomhlanga, lomhubhe, lechachwana, lechacho, lomfece, lezinto zonke ezikhaliswayo, liwe phansi, likhuleke esithombeni engisenzileyo, kuzabe kulungile; kodwa uba lingakhuleki, lizaphoselwa masinyane esithandweni somlilo ovuthayo. Nguwuphi unkulunkulu ozakulikhulula ezandleni zami na?

UDanyeli 3:17

Uba kunjalo, uNkulunkulu wethu esimkhonzayo ulamandla okusikhulula esithandweni somlilo ovuthayo; yena uzasikhulula esandleni sakho, wena nkosi.

UDanyeli 3:28

UNebukadineza wasesithi: Kabongwe uNkulunkulu waboShadraki loMeshaki loAbedinego othumele isithunywa sakhe ukukhulula inceku zakhe ezimthembileyo, zaze zadelela umlayo wenkosi, zanikela imizimba yazo kulokuba zikhonze omunye unkulunkulu endaweni kaNkulunkulu wazo.

UDanyeli 6:20

Ekufikeni kwayo emgodini lapho wayekhona uDaniyeli, yamemeza ngelizwi elibuhlungu, yathi kuDaniyeli: We Daniyeli, nceku kaNkulunkulu ophilayo, uNkulunkulu wakho omkhonzayo njalonjalo ukusilisile yini ezilwaneni?

UDanyeli 6:7

Bonke abongameli bombuso, lezinduna, lezikhulu, labeluleki, lababusi, bavumelene ukuba inkosi imise umthetho, ikhuphe isimemezelo esiqinileyo ngawo sokuthi lowo okhuleka komunye unkulunkulu loba omunye umuntu ensukwini ezingamatshumi amathathu ezizayo ngaphandle kwakho, nkosi, uzaphoselwa emgodini wezilwane.

Imisebenzi 24:27

Kodwa sekudlule iminyaka emibili, uFelike walandelwa nguPorkiyu Festusi, uFelike efisa ukuthokozisa abaJuda wamtshiya uPawuli ebotshiwe.

Imisebenzi 25:11

Uba ngonile ngenze ulutho olufanele ukufa, kangali ukufa; kodwa uba kungekho lutho lwalokho abangimangalela ngakho, kakulamuntu onganginikela kubo. Ngilidlulisela kuKesari.

Imisebenzi 25:9

Kodwa uFestusi ethanda ukubongwa ngabaJuda, wathi kuPawuli: Uyathanda yini ukwenyukela eJerusalema, uthonisiswe khona ngalezizinto phambi kwami na?

AbaseRoma 13:3

Ngoba ababusi kabesabeki kwabenza okuhle, kodwa besabeka kwabenza okubi. Uyathanda ukungesabi ababusayo na? Ngakho yenza okuhle, uzakubongwa yibo;

2 AbaseKhorinte 1:10

owasophula ekufeni okungaka lozakusophula; sesithemba kuye ukuthi uzakusophula futhi.