UDanyeli 5:19 - iBhayibhili Elingcwele 1978

¹⁹ Ngenxa yobukhulu amnika bona bonke abantu bezizwe lezindimi bathuthumela besaba phambi kwakhe; wambulala ayethanda ukumbulala, wamyekela ayethanda ukuba aphile, wamphakamisa ayethanda ukumphakamisa, wamehlisa ayethanda ukumehlisa.

IBhayibhili Elingcwele LesiNdebele

¹⁹ Ngenxa yesikhundla esiphezulu amnika sona, bonke abantu kanye lezizwe zonke labantu bendimi zonke babemqhuqha, bemesaba. Labo inkosi eyafuna ukubabulala, yababulala; labo eyafuna ukubaxolela, yabaxolela; labo eyafuna ukubakhweza ezikhundleni yabakhweza; kwathi labo eyafuna ukubayangisa, yabayangisa.

UDanyeli 5:19 ပူးပေါင်းရင်းမြစ်များ

2 AmaKhosi 25:28

wakhuluma laye kuhle, wamnika isihlalo esedlula zonke izihlalo zamakhosi ayelaye eBabiloni.

Izaga 16:14

Ngolaka lombusi kuvela ukufa; ohlakaniphileyo uzaludambisa.

UmTshumayeli 8:3

Suka phambi kwenkosi, ungaphuzi nxa indaba ingayithokozisi, ngoba yona yenza ekuthandayo.

UHezekhiyeli 31:11

ngizawunikela esandleni sesikhulu sezizweni; sizakuwuphatha ngokufanele ububi bawo. Sengiwulahlile.

UDanyeli 11:12

Lapho impi isithunjiwe, inhliziyo yayo izaziphakamisa, ibulale amatshumi ezinkulungwane, kodwa kayiyikunqoba.

UDanyeli 11:16

Kodwa ehlaselayo izakwenza ekuthandayo, kungabi khona loyedwa oyimelayo. Izakuma elizweni elihle, lonke libe sesandleni sayo.

UDanyeli 11:3

Besekuvela inkosi elamandla ezabusa umbuso omkhulu, yenze ekuthandayo.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 3:29

Ngakhoke sengisenza isimemezelo esithi: Abantu lezizwe lezindimi ezikhuluma kubi ngoNkulunkulu kaShadraki loMeshaki loAbedinego bazaqunywaqunywa izitho, kudilizwe lemizi yabo. Ngoba kakukho omunye unkulunkulu olamandla okukhulula ngalindlela.

UDanyeli 3:4

Ummemezeli wamemeza kakhulu wathi: Lina bantu bezizwe zonke lezindimi zonke, liyalaywa

UDanyeli 3:6

Lowo ongaziwiseli phansi, akhuleke, uzaphoselwa masinyane esithandweni somlilo ovuthayo.

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 4:22

singuwe, wena nkosi, osukhulile waqina. Ubukhulu bakho sebukhulile, bafinyelela phezulu, lokubusa kwakho kwafinyelela ekucineni komhlaba.

UHabhakhukhi 2:5

Iwayini liyakhohlisa; umuntu ozikhukhumezayo kayikuma; ubuhwaba bakhe bubanzi njengendawo yabafileyo; kasuthi njengokufa; uzibuthela zonke izizwe, aziqoqele bonke abantu.

UJohane 19:11

UJesu wamphendula wathi: Ungebe lawo amandla phezu kwami, uba ungawanikwanga ngaphezulu. Ngakhoke onginikele kuwe ulesono esikhulu.

AbaseRoma 13:1

Kakube yilowo lalowo azehlisele ngaphansi kwamandla ombuso. Ngoba kakukho amandla ombuso angaveli kuNkulunkulu; lamandla akhona amiswe nguye.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;