UDanyeli 12:2 - iBhayibhili Elingcwele 1978

² Labanengi abaleleyo othulini lomhlaba bazavuka, abanye bavukele ukuphila okungapheliyo, labanye bavukele ihlazo lokuhlekwa okungapheliyo.

IBhayibhili Elingcwele LesiNdebele

² Izixuku lezixuku zabaleleyo othulini lomhlaba bazavuka; abanye baye ekuphileni okungapheliyo, abanye baye ehlazweni lokunengeka okungapheliyo.

UDanyeli 12:2 ပူးပေါင်းရင်းမြစ်များ

Izaga 12:8

Umuntu uyadunyiswa ngokuhlakanipha kwakhe, kodwa olenhliziyo embi uyadelelwa.

U-Isaya 26:19

Kodwa abafileyo bakho bazakuphila, izidumbu zabo zizavuka futhi. Vukani, lihlabele ngokuthokoza, lina elilele othulini. Ngoba amazolo akho angamazolo akhanyayo, umhlaba uzakubakhupha abafileyo.

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UHezekhiyeli 37:12

Ngakhoke tshumayela uthi kibo: INkosi uNkulunkulu ithi: Ngizavula amaliba enu, ngilivuse emalibeni enu, lina bantu bami, ngilibuyise elizweni lakoIsrayeli.

UHosiya 13:14

Ngizabahlawulela emandleni endawo yabafileyo yini? ngibahlenge ekufeni na? Kufa, zingaphi izifo zakho na? Ndawo yabafileyo, kungaphi ukuchitheka kwakho? Isihawu kasisekho kimi.

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

Imisebenzi 7:60

Waseguqa phansi, wamemeza ngelizwi elikhulu, esithi: Nkosi, ungababaleli lesisono. Esetshilo lokhu wafa. USawuli wayevumelene labo ngokubulawa kwakhe.

AbaseRoma 9:21

Kalamandla yini umbumbi phezu kwebumba ukuba ngesigaqa sisinye enze izitsha ezimbili, esinye sibe lomsebenzi omkhulu lesinye sibe lomsebenzi omncinyane na?

1 AbaseThesalonika 4:14

Ngoba uba sikholwa ukuthi uJesu wafa, wabuya wavuka, ngokunjaloke uNkulunkulu uzakubavusa ngaye uJesu labo asebefile.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.