UDanyeli 12:10 - iBhayibhili Elingcwele 1978

¹⁰ Abanengi bazazihlambulula, bazenze babe mhlophe, balungiswe; kodwa ababi bazakwenza kubi, kungabi khona loyedwa wababi oqedisisayo; kodwa labo abahlakaniphileyo bazaqedisisa.

IBhayibhili Elingcwele LesiNdebele

¹⁰ Abanengi bazahlanjululwa, bangabi latshatha njalo bacolisiswe, kodwa abagangileyo bazaqhubeka begangile. Kakho kwababi ozazwisisa, kodwa labo abahlakaniphileyo bazazwisisa.”

UDanyeli 12:10 ပူးပေါင်းရင်းမြစ်များ

AmaHubo 107:43

Lowo ohlakaniphileyo kaqaphelise lokhu, aqedisise uthando olungapheliyo lweNkosi.

AmaHubo 51:7

Ngigezisa ngehisope, ngizakuhlambuluka; ngigezisa ngibe mhlophe kulongqoqwane.

Izaga 1:5

Uba ohlakaniphileyo elalela, uzaqhubeka ekufundeni, loqedisisayo uzakuba lokwazi

U-Isaya 1:18

Wozanike, siqondisane, itsho iNkosi; loba izono zenu zibomvu gebhu, zizakuba mhlophe njengongqoqwane; loba zibomvu njengegazi, zizakuba mhlophe njengoboya bezimvu.

UHezekhiyeli 36:25

Ngizalifafaza ngamanzi ahlambulukileyo, lihlambuluke kukho konke ukungcola kwenu, ngilihlambulule lakuzo zonke izithombe zenu.

UHezekhiyeli 47:11

Kodwa amatete awo lamaxhaphozi awo kawayikuba lamanzi amatsha. Azakuba zindawo zetshwayi.

UDanyeli 11:33

Abahlakaniphileyo babantu bazafundisa abanengi, lanxa bezabulawa empini langomlilo, babanjwe, bathunjwe okwensuku ezithile.

UDanyeli 11:35

Abanye babahlakaniphileyo bazabulawa ukuze abanye bahlolwe, bahlanjululwe, benziwe babe mhlophe, kuze kufike isikhathi sokuphela, ngoba kungokwesikhathi esimisiweyo.

UDanyeli 12:3

Abahlakaniphileyo bazakhanya njengokukhanya kwesibhakabhaka, lalabo abaphendulela abanengi ekulungeni bakhanye njengezinkanyezi kuze kube nininini.

UHosiya 14:9

Lowo ohlakaniphileyo aziqedisise lezizinto; lowo oqondayo azazi; ngoba indlela zeNkosi zilungile, labaqotho bayahamba ngazo, kodwa izoni ziyakhubeka kuzo.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UMalaki 3:3

Sizahlala esihlalweni saso sincibilikise sihlambulule isiliva, sihlambulule amadodana kaLevi, siwancibilikise njengegolide lanjengesiliva, aze anikele iminikelo efaneleyo eNkosini.

UMakho 4:11

Wathi kubo: Lina liphiwe imfihlakalo yombuso kaNkulunkulu, kodwa abangaphandle benzelwa izinto zonke ngemifanekiso,

ULukha 24:25

Wasesithi kibo: O lina elingelakuqedisisa elilenhliziyo ezivilaphela ukukholwa konke lokho okwatshiwo ngabaprofethi!

UJohane 18:37

Ngakho uPilatu wathi kuye: Kanti uyinkosi na? UJesu waphendula wathi: Kutsho wena ukuthi ngiyinkosi; ngazalelwa lokho, ngizele lokho emhlabeni ukufakazela iqiniso. Bonke abeqiniso bayalizwa ilizwi lami. UPilatu wathi kuye: Iqiniso liyini na?

UJohane 7:17

Uba umuntu ethanda ukwenza intando kaNkulunkulu, uzakwazi ngemfundiso ukuba ivela kuNkulunkulu ingabe ngizikhulumela ngokwami.

UJohane 8:47

Yena ongokaNkulunkulu uyawezwa amazwi kaNkulunkulu; kungakho lina lingezwa ngoba kalisibo abakaNkulunkulu.

1 AbaseKhorinte 6:11

Babenjalo abanye benu; kodwa selageziswa, lahlukaniselwa kuNkulunkulu, lalungisiswa ngebizo leNkosi uJesu Kristu langoMoya kaNkulunkulu wethu.

2 AbaseKhorinte 7:1

Lokhu silalezizithembiso, bathandwayo, asizihlambulule kukho konke ukungcola komzimba lokomoya, siphelelise ubungcwele bethu sisesaba iNkosi.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 12:10

Ngoba bona kambe basilaya okwesikhatshana njengokubona kwabo, kodwa yena usilayela ukusizakala kwethu, ukuze sizuze ukuhlanganyela ubungcwele bakhe.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

Isambulo 16:11

kodwa bamthuka uNkulunkulu wezulu ngenxa yobuhlungu bezilonda zabo, kabaphendukanga emisebenzini yabo.

Isambulo 19:14

Lezimpi zasezulwini zamlandela zigade amabhiza amhlophe, zambethe amalembu amahle ahlambulukileyo amhlophe.

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.

Isambulo 22:11

Ongalunganga kahlale esenza okungalunganga; ongcolileyo ahlale engcolile, kodwa olungileyo ahlale esenza ukulunga, longcwele ahlale engcwele.

Isambulo 3:18

Ngakhoke ngiyakweluleka ukuba uthenge kimi igolide elihlanjululwe ngomlilo ukuba unothe, lengubo ezimhlophe ukuze wambathe, ufihle ihlazo lokuhambaze kwakho, uthenge lamagcobo okugcoba amehlo akho ukuba ubone.

1 USamuyeli 24:13

Njengesaga sasendulo esithi: Kwababi kuvela okubi; kodwa mina kangiyikuphakamisela isandla sami phezu kwakho.