UDanyeli 11:35 - iBhayibhili Elingcwele 1978

³⁵ Abanye babahlakaniphileyo bazabulawa ukuze abanye bahlolwe, bahlanjululwe, benziwe babe mhlophe, kuze kufike isikhathi sokuphela, ngoba kungokwesikhathi esimisiweyo.

IBhayibhili Elingcwele LesiNdebele

³⁵ Abanye babahlakaniphileyo bazakhubeka, ukuze bacoliswe, bahlanjululwe njalo benziwe bahlanzeke kuze kufike isikhathi sokucina, ngoba sijinge sizafika ngesikhathi leso esimisiweyo.”

UDanyeli 11:35 ပူးပေါင်းရင်းမြစ်များ

2 ImiLando 32:31

Lasendabeni yezithunywa zezikhulu zaseBabiloni ezazithunywe kuye ukuzabuza ngesibonakaliso esasenziwe elizweni, uNkulunkulu wamyekela ukuba azenzele ngokuthanda kwakhe ukuba amhlole, abone konke okusenhliziyweni yakhe.

Izaga 17:3

Igolide lesiliva kuhlolwa esithandweni somlilo, ngokunjalo kuyiNkosi ehlola inhliziyo zabantu.

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

UDanyeli 11:27

Amakhosi amabili esidla ndawonye azakwenza amacebo, akhohlisane, kodwa kungawasizi. Kodwa ukuphela kuzafika ngesikhathi esimisiweyo.

UDanyeli 11:29

Ngesikhathi esimisiweyo uzabuya ahlasele iGibithe; kodwa kakuyikuba njengakuqala.

UDanyeli 11:33

Abahlakaniphileyo babantu bazafundisa abanengi, lanxa bezabulawa empini langomlilo, babanjwe, bathunjwe okwensuku ezithile.

UDanyeli 11:40

Ngesikhathi sokuphela inkosi yaseningizimu izakuyihlasela; kodwa inkosi yasenyakatho izayisukela njengesivunguzane ilezinqota zokulwa, labagadi bamabhiza, lemikolo eminengi, ihlasele amazwe, ikhukhule, idlule.

UDanyeli 12:3

Abahlakaniphileyo bazakhanya njengokukhanya kwesibhakabhaka, lalabo abaphendulela abanengi ekulungeni bakhanye njengezinkanyezi kuze kube nininini.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UDanyeli 8:10

Lwakhula lwaba lukhulu lwaze lwafinyelela ezinkanyezini zaphezulu; lwazidilizela phansi ezinye inkanyezi, lwazinyathela.

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

UDanyeli 8:19

Wathi: Ngizakukutshela okuzakwenzakala ekupheleni kwentukuthelo, ngoba lokho kungokwesikhathi sokucina.

UDanyeli 9:27

Umbusi uzakwenza isivumelwano esiqinileyo labanengi okweminyaka eyisikhombisa, kuthi phakathi kwayo ayivale imihlatshelo leminikelo; phakathi kwalokho ukuchitheka kufike umchithi, kuthi ekucineni kufike lokho okumisiweyo mayelana lomchithi.

UHabhakhukhi 2:3

Ngoba umbono ungowesikhathi sawo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzakufika impela, kawuyikuphuza.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UMatewu 16:17

UJesu wamphendula wathi kuye: Ubusisiwe wena Simoni kaJona, ngoba inyama legazi kakukwambulelanga lokhu kodwa uBaba osezulwini.

UMatewu 26:56

Kodwa konke lokhu kwenzakele ukuba kugcwaliseke imibhalo yabaprofethi. Basebemtshiya bonke abafundi, babaleka.

UJohane 15:2

Lolo lalologatsha olukimi, olungatheliyo izithelo, uyalususa. Lolo lalologatsha oluthela izithelo uyaluthena ukuze luthele kakhulu.

UJohane 20:25

Ngakhoke abanye abafundi bathi kuye: Siyibonile iNkosi. Kodwa yena wathi kibo: Uba ngingaboni ezandleni zakhe amanxeba ezipikili, ngifake umunwe wami enxebeni lezipikili, ngibeke izandla zami ohlangothini lwakhe, kangiyikukholwa.

Imisebenzi 13:13

UPawuli lababelaye basuka ePafosi ngomkolo, bafika ePerga elasePamfiliya; kodwa uJohane wehlukana labo, wabuyela eJerusalema.

UDutheronomi 8:16

yalinika imana enkangala okhokho benu ababengayazi, ukuba ilithobise, ilihlole, ilenzele okuhle ekucineni.

UJakhobe 1:2

Bazalwane bami, nxa lisehlelwa yizilingo ngezilingo, kalibokuthi kuyikuthokoza kodwa,

Isambulo 14:15

Esinye isithunywa saphuma ethempelini, simemeza ngelizwi elikhulu kuye ohlezi eyezini sisithi: Sebenzisa isikela yakho, uvune, ngoba isikhathi sokuvuna sesifikile, sekuvuthiwe okuvunwayo komhlaba.

Isambulo 17:17

Ngoba uNkulunkulu ukufakile enhliziyweni zazo ukuba zenze icebo lakhe ngokubamqondo munye, zinike umbuso wazo esilweni, kuze kugcwaliseke amazwi kaNkulunkulu.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.