UDanyeli 11:22 - iBhayibhili Elingcwele 1978

²² Izimpi uzazikhukhula phambi kwakhe, azibhubhise, kanye lesikhulu sesivumelwano.

IBhayibhili Elingcwele LesiNdebele

²² Kuzakuthi impi eyesabekayo ikhukhulwe phambi kwakhe; yona lenkosi yesivumelwano kuzabhujiswa.

UDanyeli 11:22 ပူးပေါင်းရင်းမြစ်များ

U-Isaya 28:15

Ngoba lithe: Senzile isivumelwano lokufa, silesivumelwano lendawo yabafileyo; ngakho lapho inhlupheko ezikhukhulayo zidlula, kaziyikusehlela, ngoba senzile amanga abe yisiphephelo sethu, sacatsha ngaphansi kwenkohliso.

UDanyeli 11:10

Amadodana ayo azahloma abuthe izimpi ezinkulu; enye izakhukhula yedlule, ilwe ize ifike enqabeni yayo.

UDanyeli 11:23

Kusukela esikhathini sokwenziwa kwesivumelwano laye uzasebenza ngobuqili, aqine abe lamandla elabantu abalutshwana.

UDanyeli 8:25

Ngobuqili bayo izakwenza inkohliso iphumelele, izikhukhumeze engqondweni yayo, ichithe abanengi ngokubajuma, ize imelane leNkosi yamakhosi, kodwa izaphohlozwa kungesikho ngezandla zomuntu.

UDanyeli 9:26

Emva kwamaviki angamatshumi ayisithupha lambili ogcotshiweyo uzabulawa, lanxa engelacala, umuzi lendawo engcwele kuchithwe yimpi yombusi ohlaselayo; ukuphela kufike njengokwesikhukhula, kulethe ukulwa lokuchitheka okumisiweyo.

uAmosi 8:8

Kawuyikuqhaqhazela umhlaba wonke ngalokhu, balile bonke abakhileyo kiwo, ukhukhumale wonke njengomfula iNile, uphoseke le lale, ubuye ubohle njengeNile laseGibithe na?

uAmosi 9:5

INkosi uNkulunkulu wamabandla yiyo ethinta umhlaba unyikinyeke, bakhale bonke abakhileyo kuwo, ukhukhumale wonke njengomfula iNile, ubuye ubohle njengeNile laseGibithe.

UNahume 1:8

lapho izikhukhula zibafikela; kodwa labo abamelana layo izabachitha bathi nya, ixotshele izitha zayo emnyameni.