UDanyeli 11:21 - iBhayibhili Elingcwele 1978

²¹ Esikhundleni sayo kuzavela umuntu odelelekileyo ongabunikwanga ubukhosi, afike kungananzelelwe, awuthathe umbuso ngokukhohlisa.

IBhayibhili Elingcwele LesiNdebele

²¹ Izalandelwa ngumuntu odelelekileyo ongelakho ukuhlonipheka kobukhosi. Uzawuhlasela umbuso ngesikhathi abantu bawo besithi sebezinzile, awuthumbe ngokuxabanisa abanye.

UDanyeli 11:21 ပူးပေါင်းရင်းမြစ်များ

AmaHubo 12:8

Ababi bayahahaba inxa zonke, lapho ububi buphakanyiswa phakathi kwabantu.

AmaHubo 15:4

emehlweni akhe omubi uyenyanyeka, kodwa uyabazisa labo abayesabayo iNkosi, elondoloza isifungo sakhe loba elimala ngenxa yaso,

AmaHubo 55:21

Ukukhuluma kwakhe kubutshelezi kulolaza, kanti inhliziyo yakhe ithanda ukulwa; amazwi akhe abuthakathaka kulamagcobo, kanti anjengomkhonto obukhali.

U-Isaya 32:5

Isithutha kasisayikubizwa ngokuthi sihloniphekile, lomkhohlisi athiwe uthembekile.

UDanyeli 11:20

Esikhundleni sayo kuzavela enye inkosi ezathuma umthelisi ukuthelisa abantu abacindezele; kodwa ngensuku ezilutshwana izabulawa, kungesikho obala loba empini.

UDanyeli 11:32

Uzakubakhohlisa ngokubabamba amehlo labo abephula isivumelwano; kodwa abantu abamaziyo uNkulunkulu wabo bazakuma baqine, balwe.

UDanyeli 11:34

Ekubulaweni kwabo bazasizwa kancinyane, loba abanengi balabo abazihlanganisa labo bengelaqiniso.

UDanyeli 11:7

Ngalezozikhathi kuzavela olihlumela empandeni zaleyondodakazi athathe indawo yenkosi. Uzakuyihlasela impi yenkosi yasenyakatho, angene enqabeni yayo, alwe labantu bayo, abehlule.

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

UDanyeli 8:23

Ensukwini zokucina zaleyomibuso, lapho izono zayo sezizinkulu, kuzavela inkosi elolunya elukhuni lekhohlisayo.

UDanyeli 8:25

Ngobuqili bayo izakwenza inkohliso iphumelele, izikhukhumeze engqondweni yayo, ichithe abanengi ngokubajuma, ize imelane leNkosi yamakhosi, kodwa izaphohlozwa kungesikho ngezandla zomuntu.

UDanyeli 8:9

Kolunye lwazo kwaphuma uphondo oluncinyane, lwakhula kakhulu, lwatshengisa amandla ayo ngasenginizimu langasempumalanga langaselizweni elihle.

UNahume 1:14

INkosi ilayile ngawe, Nineve, yathi: Kalisayikukhunjulwa ibizo lakho; endlini yabonkulunkulu bakho ngizachitha izithombe ezibaziweyo lezibunjiweyo; ngizakukumbela iliba, ngoba ungcolile.

1 USamuyeli 3:13

Umtshele ukuthi sengizakuyijezisa indlu yakhe kokuphela, ngoba kwathi esazi ukuthi amadodana akhe ayehlambaza uNkulunkulu, kawakhuzanga.