uAmosi 9:9 - iBhayibhili Elingcwele 1978

⁹ Ngoba ngizakulaya ukuba uIsrayeli ahlungulwe phakathi kwazo zonke izizwe njengokuhlungulwa kwamabele ngokhomane, kodwa kakuyikuwela phansi lolulodwa uhlamvu.

IBhayibhili Elingcwele LesiNdebele

⁹ “Ngoba ngizakupha umlayo, njalo ngizahlungula indlu ka-Israyeli phakathi kwezizwe zonke njengokuhlungulwa kwamabele ekhomaneni njalo akukho hlamvu oluzawela phansi.

uAmosi 9:9 ပူးပေါင်းရင်းမြစ်များ

U-Isaya 27:12

Kuzakuthi ngalolosuku iNkosi ibhule amabele, kusukela emfuleni iYufrathi kuze kube semfuleni waseGibithe; lizakubuthwa ngamunye ngamunye, lina bakoIsrayeli.

U-Isaya 28:28

Amabele esinkwa ayachotshozwa na? Atshi, kawabhulwa kokuphela, kodwa lapho inqola isidlule phezu kwawo, ayachaywa endaweni yokuba achotshozwe.

U-Isaya 30:28

ukuphefumula kwayo kunjengamanzi akhukhulayo aze afike entanyeni; ihlungula izizwe ngesihlungulo sokuchitheka, ifaka emilonyeni yabantu amatomu aduhisayo.

UJeremiya 31:36

Uba ukumiswa kwalezizinto kungasuka phambi kwami, kutsho iNkosi, lenzalo yakoIsrayeli izakuphela, ingabe isaba yisizwe phambi kwami kuze kube nininini.

UJeremiya 46:28

Ungesabi, wena Jakobe nceku yami, kutsho iNkosi, ngoba ngilawe. Ngizachitha ngokupheleleyo zonke izizwe engikuxotshele kuzo, kodwa wena kangiyikukuqeda ngokupheleleyo. Ngizakukukhuza ngokufaneleyo, kangiyikukuyekela.

UJeremiya 49:36

ngehlisele phezu kweElamu imimoya emine evela engonsini ezine zaphezulu, ngibahlakazele abaseElamu kuyo yonke leyomimoya; kakuyikuba khona isizwe lesisodwa abangeyikuxotshelwa kuso abaseElamu.

UHezekhiyeli 20:38

ngikhuphe phakathi kwenu abahlamukayo labo bonke abonayo kimi, ngibakhuphe elizweni abahlala kilo, kodwa kabayikungena elizweni lakoIsrayeli. Ng’khona lizakwazi ukuba ngiyiNkosi.

UHezekhiyeli 36:19

Ngabachithachitha phakathi kwezizwe, bahlakazekela emazweni wonke; ngabathonisisa ngokufanele ukuziphatha kwabo lezenzo zabo.

UHezekhiyeli 39:28

Bazakwazi ukuba ngiyiNkosi uNkulunkulu wabo ngoba ngabaxotshela phakathi kwezizwe, ngabuye ngabaqoqela elizweni labo. Kangisayikutshiya loyedwa wabo phakathi kwezizwe.

UHezekhiyeli 5:10

Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

ULukha 22:31

Simoni, Simoni, khangela, uSathane wacela ukuba alihlungule njengamabele;

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.