uAmosi 9:7 - iBhayibhili Elingcwele 1978

⁷ Kimi kalinjengamaEtiyopiya, lina bakoIsrayeli na? itsho iNkosi. Mina engakhupha uIsrayeli elizweni laseGibithe kangikhuphulanga amaFilistiya eKafitori lamaSiriya eKiri na?

IBhayibhili Elingcwele LesiNdebele

⁷ “Lina ma-Israyeli, kimi kalinjengamaKhushi na?” kutsho uThixo. “U-Israyeli kangimkhuphanga eGibhithe, lamaFilistiya eKhafithori, kanye lama-Aramu eKhiri na?

uAmosi 9:7 ပူးပေါင်းရင်းမြစ်များ

2 AmaKhosi 16:9

Inkosi yaseAsiriya yamlalela, yaya eDamaseko, yalihlasela yalithumba, yathumba abantu bakhona, yabasa eKiri, yabulala uRezini.

2 ImiLando 14:12

Ngakho iNkosi yawachitha amaEtiyopiya phambi kukaAsa laphambi kwabakoJuda, abaleka.

2 ImiLando 14:9

UZera waseEtiyopiya waphuma ukuzakulwa labo elempi yamadoda ayisigidi lezinqola zokulwa ezingamakhulu amathathu, wahamba waze wafika eMaresha.

U-Eksodasi 12:51

Ngalona lolosuku iNkosi yabakhupha abakoIsrayeli elizweni laseGibithe ngezimpi zabo.

U-Isaya 20:4

ngokunjaloke inkosi yaseAsiriya izakubathumba abaseGibithe labaseEtiyopiya, abatsha labadala, bahambeze bengafakanga amanyathelo, lezibunu zabo zisegcekeni, kube lihlazo eGibithe.

U-Isaya 22:6

IElamu lathatha izikhali zalo, lafika likhwele amabhiza alo; leKiri lathatha isihlangu salo.

U-Isaya 43:3

Ngoba mina ngiyiNkosi uNkulunkulu wakho, oNgcwele kaIsrayeli, uMsilisi wakho. Ngizanika iGibithe libe lihlawulo lakho, loEtiyopiya leSeba esikhundleni sakho.

UJeremiya 13:23

UmEtiyopiya angasiphendula yini isigogo sakhe, kumbe ingwe ingaphendula amabala ayo? Ng’khonake lani lingenza okuhle lina elejwayele ukwenza okubi.

UJeremiya 47:4

ngenxa yosuku oluzayo lokuchithwa kwawo wonke amaFilistiya, lokuqeda eTire leSidoni bonke abasizi abaseleyo. Ngoba iNkosi iyawachitha amaFilistiya, labaseleyo esihlengeni saseKafitori.

UHosiya 12:13

INkosi yamkhupha uIsrayeli eGibithe ngomprofethi, walondolozwa ngumprofethi.

uAmosi 1:5

Ngizakwaphula imigoqo yamasango aseDamaseko, ngibaqede abakhileyo esihotsheni saseAveni, kanye laye obusayo eBeti‐Edeni, labantu baseSiriya bazathunjelwa eKiri; kutsho iNkosi.

uAmosi 2:10

Futhi mina ngalikhupha elizweni laseGibithe, ngalihola enkangala iminyaka engamatshumi amane, ukuba lithumbe ilizwe lamaAmori.

UDutheronomi 2:23

LamaAvi lawo, ayehlala emizaneni eyayiseduze leGaza, anqotshwa ngamaKafitori avela eKafitori, akha endaweni yawo. —