uAmosi 9:1 - iBhayibhili Elingcwele 1978

¹ Ngayibona iNkosi imi phansi kwealtare, yathi: Tshaya izihloko zezinsika ukuze iminyango inyikinyeke, uzaphulele amakhanda abo bonke abantu; abaseleyo ngizababulala ngempi; kakuyikuphunyuka loyedwa abaleke.

IBhayibhili Elingcwele LesiNdebele

¹ Ngabona uThixo emi phansi kwe-alithari, wasesithi: “Tshaya izihloko zensika ukuze imibundu inyikinyeke. Ziwisele phansi phezu kwamakhanda abantu bonke; labo abazasala ngizababulala ngenkemba. Kakho lamunye ozaphunyuka, kakho ozabaleka.

uAmosi 9:1 ပူးပေါင်းရင်းမြစ်များ

2 ImiLando 18:18

UMikaya wasesithi: Zwaninike ilizwi leNkosi uNkulunkulu. Ngayibona ihlezi esihlalweni sayo sobukhosi, lexuku lonke lasezulwini limi phansi kwayo ngakwesokunene langakwesokhohlo;

AmaHubo 68:21

Kodwa uNkulunkulu uzakuphohloza amakhanda ezitha zakhe, ukhakhayi olulenwele lwalowo ohamba ezonweni zakhe.

AmaHubo 68:22

INkosi yathi: Ngizakubabuyisa eBashani, ngibabuyise enzikini yolwandle,

U-Isaya 30:16

Kodwa lina lithi: Atshi, sizabaleka ngamabhiza. Ngakhoke balekani. Lithi njalo: Sizakhwela amabhiza alejubane. Ngakhoke labalixotshayo bazakuba lejubane elikhulu.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

UJeremiya 11:11

Ngakhoke ngizabehlisela okubi, kabayikukuphepha; lanxa bekhala kimi, kangiyikubalalela, kutsho iNkosi.

UJeremiya 42:16

impi eliyesabayo izalifica khona elizweni laseGibithe, lendlala eliyesabayo izalilandela eGibithe, lifele khona.

UJeremiya 48:44

Obalekela ukwesaba uzawela emgodini, lophuma emgodini uzabanjwa ngumjibila. Ngoba lezizinto ngizazehlisela eMowabi ngomnyaka wokutshaywa kwabo, kutsho iNkosi.

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

UHezekhiyeli 10:4

Inkazimulo yeNkosi yasuka emakherubini, yaya ngasemnyango wethempeli; ithempeli lagcwala amayezi, leguma lagcwala ukukhanya kwenkazimulo yeNkosi.

UHezekhiyeli 15:7

Ngizamelana labo; lanxa bephunyuka emlilweni, umlilo uzabaqeda; lizakwazi ukuba ngiyiNkosi, nxa sengimelana labo.

UHezekhiyeli 9:2

Kwasekusiza amadoda ayisithupha evela ngasesangweni langaphezulu elikhangele ngasenyakatho, wonke ephethe izikhali zokubulala, ayehamba lomuntu ogqoke ilembu elihle elezinto zokubhala; angena, ema ngasealtareni lethusi.

uAmosi 3:14

Mhla ngitshaya uIsrayeli ngenxa yeziphambeko zakhe ngizatshaya ama‐altare aseBetheli, kwaphuke impondo zealtare ziwele phansi.

uAmosi 7:17

INkosi yona ithi: Umkakho uzakuba liwule phakathi komuzi; amadodana lamadodakazi akho azabulawa yimpi, lelizwe lakini lizadatshulwa phakathi ngentambo; wenake uzakufela elizweni elingcolileyo, uIsrayeli athunjelwe elizweni elikhatshana.

uAmosi 7:9

indawo eziphakemeyo zokukhonzela zikaIsaka zizavalwa, lezindlu ezingcwele zakoIsrayeli zizadilizwa; ngizakuyivukela indlu kaJerobowamu ngomkhonto.

UHabhakhukhi 3:13

Waphumela ukukhulula abantu bakho, ukukhulula ogcotshiweyo wakho. Ubhidlizele phansi indlu yomubi, waquphula lezisekelo zayo.

UZefaniya 1:12

Kuzakuthi ngalesosikhathi ngihlole iJerusalema ngezibane, ngitshaye bonke abantu abazithokozisayo abazithembayo, abathi enhliziyweni zabo: INkosi kayiyikwenza ulutho.

UZefaniya 2:14

Imihlambi izakulala phakathi kwalo, lazo zonke inyamazana zeganga, ingabuzane lodwayi kulale ebusuku ezinsikeni zalo, kukhale isikhova ewindini, lewabayi likhale ngasemnyango.

UJohane 1:18

Kakho owake wabona uNkulunkulu; iNdodana ezelwe yodwa esesifubeni sikaYise yiyo emvezileyo.

UJohane 1:32

UJohane wafakaza wathi: Ngibonile uMoya esehla ezulwini njengejuba, wahlala phezu kwakhe.

Imisebenzi 26:13

emini enkulu, nkosi, ngisendleleni, ngabona ukukhanya kuvela ezulwini, kudlula ukukhanya kwelanga, kwangizingelezela inxa zonke lalabo ababehamba lami.

UJoshuwa 10:18

UJoshuwa wasesithi: Giqelani amatshe amakhulu emlonyeni wobhalu, libeke amadoda kulo awalinde;

Isambulo 1:17

Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

Isambulo 8:3

Kwasekufika esinye isithunywa, sema ngasealtare siphethe umganu wegolide wokutshisela impepha; sanikwa impepha enengi ukuba siyinikele kanye lemikhuleko yabo bonke abangcwele phezu kwealtare legolide eliphambi kwesihlalo sobukhosi.