uAmosi 8:9 - iBhayibhili Elingcwele 1978

⁹ Ngalolosuku, itsho iNkosi uNkulunkulu, ngizatshonisa ilanga emini, ngenze kube mnyama emhlabeni emini ekhanyayo.

IBhayibhili Elingcwele LesiNdebele

⁹ Ngalolosuku,” kutsho uThixo Wobukhosi, “ngizakwenza ilanga litshone emini, ngenze emhlabeni kube mnyama emini ekhanyayo.

uAmosi 8:9 ပူးပေါင်းရင်းမြစ်များ

UJobe 5:14

Bahlangana lomnyama emini, baphumputhe emini njengasebusuku.

U-Isaya 13:10

Inkanyezi zezulu kaziyikukhanya; ilanga lizakuba mnyama ekuphumeni kwalo, lenyanga kayisayikukhanya.

UJeremiya 13:16

Inikeni iNkosi udumo, uNkulunkulu wenu, ingakalethi umnyama, lenyawo zenu zingakakhubeki ezintabeni ngoba sekuhlwile, kuthi lisadinga ukukhanya, ikuphendule kube ngumnyama, ikwenze kube ngumnyama omkhulu.

UJeremiya 15:9

Owazala abayisikhombisa usekhathele, waqaleka; watshonelwa lilanga kusesemini; waba lenhloni, wayangeka. Abaseleyo ngizabanikela ezitheni zabo ukuze babulawe, kutsho iNkosi.

UHezekhiyeli 32:7

Lapho sengikuchitha, ngizasibekela iphezulu, ngenze inkanyezi zalo zibe mnyama, ngisibekele ilanga ngeyezi, lenyanga ingabe isakhanya.

uAmosi 4:13

Ngoba lowo owabumba izintaba, wadala umoya, lotshela umuntu ukuba imicabango yakhe iyini, owenza ukusa kube mnyama, onyathela ezindaweni eziphakemeyo zomhlaba, yiNkosi, uNkulunkulu wamabandla, ibizo lakhe.

uAmosi 5:8

Yiyo eyenza inkanyezi ezithiwa yisiLimela lezithiwa yiziNja, lephendula umnyama omkhulu ube yikusa, iphendule imini ibe yibusuku, ibize amanzi olwandle iwanisele phezu komhlabathi; yiNkosi ibizo layo.

UMikha 3:6

Ngakho lizafikelwa yibusuku obungelambono, kube mnyama, lingabe lisavumisa; ilanga lizabatshonela abaprofethi, losuku lube mnyama tshu.

UZakhariya 14:7

Kuzakuba yimini kokuphela eyaziwa yiNkosi, kungabi lamini labusuku, ngoba kuzakuthi kusihlwa kube khona ukukhanya.

UMatewu 24:29

Masinyane emva kokuhlupheka kwalezonsuku ilanga lizakufiphala, lenyanga kayiyikukhanya, lenkanyezi zizakuwa ezulwini, lamandla ezulu azakuzanyazanyiswa.

UMatewu 27:45

Kusukela emini kwaba mnyama emhlabeni wonke kwaze kwaba yiawa yesithathu ntambana.

UMakho 15:33

Emini kwaba mnyama elizweni lonke, kwaze kwaba yiawa yesithathu ntambama.

ULukha 23:44

Kwakusemini, kwaba mnyama elizweni lonke, kwaze kwaba yiawa yesithathu ntambama;

Isambulo 6:12

Ngasengibona lapho livula uphawu lwesithupha, kwaba khona ukuzamazama okukhulu komhlaba; ilanga laphenduka laba mnyama, njengelembu lokuzila, lenyanga yaba bomvu njengegazi;

Isambulo 8:12

Isithunywa sesine salukhalisa uphondo; kwatshaywa ingxenye yesithathu yelanga, leyenyanga, leyezinkanyezi, ukuze kufiphale ingxenye yesithathu yokukhanya kwazo; kwafiphala ingxenye yesithathu yokukhanya kwemini kanye lokwasebusuku.