uAmosi 7:7 - iBhayibhili Elingcwele 1978

⁷ Yasingitshengisa lokhu; iNkosi yayimi ngasemdulini owakhiwa ngentambo yokumisa iphethe intambo yokumisa esandleni sayo.

IBhayibhili Elingcwele LesiNdebele

⁷ Nanku angitshengisa khona: uThixo wayemi phansi komduli owawakhiwe waqonda nta ephethe intambo yokuqondisa ngesandla sakhe

uAmosi 7:7 ပူးပေါင်းရင်းမြစ်များ

UGenesisi 28:13

Wabona iNkosi imi phansi kwakhe, yathi: NgiyiNkosi uNkulunkulu kaAbrahama uyihlo loNkulunkulu kaIsaka; ilizwe olele kulo ngizakukunika lona, wena lenzalo yakho;

2 USamuyeli 8:2

Wanqoba amaMowabi, wawalalisa phansi, wawalinganisa ngentambo; kuyo yonke imizila ngamibili eyababulawayo umzila owodwa opheleleyo wayekelwa. AmaMowabi aba yizinceku zikaDavida, athela kuye.

2 AmaKhosi 21:13

Ngizakwelula phezu kweJerusalema intambo yokulinganisa yeSamariya, lentambo yokulinganisa yendlu kaAhabi, ngilesule iJerusalema njengomuntu owesula umganu, awesule awumbokothe.

U-Isaya 28:17

Ngizakwenza okufaneleyo kube yintambo yokwakha, lokulunga kube yintambo yokulinganisa; isiqhotho sizakhukhula isiphephelo senu samanga, lamanzi akhukhule indawo yenu yokucatsha.

U-Isaya 34:11

Kodwa kuzakwakha kulo ukhozi lesikhova lewabayi. INkosi izakwelula phezu kwalo intambo yokulinganisa ukuchitheka, lentambo yokulinganisa ukudideka.

Izililo 2:8

INkosi ikhethile ukudiliza umduli weZiyone, iwulinganisile ngentambo yokulinganisa, kayiyekelanga ukudiliza; yenza ukuba kukhale umthangala lomduli, iphele amandla kanyekanye.

UHezekhiyeli 40:3

Lapho angiletha khona, kwakukhona umuntu olesimo esifana lethusi, ephethe intambo ephothiweyo lomhlanga wokulinganisa, emi esangweni.

uAmosi 7:6

INkosi yazisola ngalokhu, yathi: Lokhu lakho kakuyikwenzeka.

uAmosi 7:8

Yathi kimi: Amosi, ubonani na? Ngathi: Ngibona intambo yokumisa. INkosi yasisithi: Khangela, ngiyabeka intambo yokumisa phakathi kwabantu bami uIsrayeli; kangisayikubayekela futhi;

UZakhariya 4:10

Ngubani odelele usuku lwezinto ezincinyane na? Uzathokoza lapho ebona uZerubabeli ephethe ilitshe elikhethiweyo. Isithunywa sasesisithi: Izibane eziyisikhombisa zingamehlo eNkosi athalazayo umhlaba wonke.

Isambulo 11:1

Ngasenginikwa umhlanga wokulinganisa, ofana lodondolo, kwathiwa: Sukuma, ulinganise ithempeli likaNkulunkulu, lealtare, ubale labakhonzayo khona.

Isambulo 21:15

Owayekhuluma lami wayelomhlanga wegolide wokulinganisa ukuba alinganise umuzi, lamasango awo, lemiduli yawo.