uAmosi 6:2 - iBhayibhili Elingcwele 1978

² Dlulelani eKaline libone, lisuke lapho liye eHamathi elikhulu, beselisehlela eGathi lamaFilistiya. Bona bangcono kulalimibuso na? ilizwe labo likhulu kulelizwe lenu na?

IBhayibhili Elingcwele LesiNdebele

² Yanini eKhaline liyikhangele; lisuka lapho yanini eHamathi enkulu, beselisehlela eGathi eseFilistiya. Bangcono kulemibuso yenu emibili na? Ilizwe labo likhulu kulelenu na?

uAmosi 6:2 ပူးပေါင်းရင်းမြစ်များ

UGenesisi 10:10

Umbuso wakhe waqala eBabeli laseEreki laseAkadi laseKaline elizweni laseShinari.

2 USamuyeli 8:9

Lapho uToyi inkosi yaseHamathi esizwa ukuthi uDavida uyahlule yonke impi kaHadadezeri,

1 AmaKhosi 8:65

Ngalesosikhathi uSolomoni labo bonke abakoIsrayeli ababelixuku elikhulu, ababevela ekuyeni ngaseHamathi kusiya esifuleni saseGibithe benza umkhosi phambi kweNkosi uNkulunkulu insuku eziyisikhombisa.

2 AmaKhosi 17:24

Inkosi yaseAsiriya yaletha abantu abavela eBabiloni laseKutha laseAva laseHamathi laseSefavayimi, yabafaka emizini yaseSamariya esikhundleni sabakoIsrayeli, balithatha iSamariya, bahlala emizini yalo.

2 AmaKhosi 17:30

abantu baseBabiloni benza uSukothi‐Benothi, abaseKuthi benza uNerigali, abaseHamathi benza uAshima,

2 AmaKhosi 18:34

Bangaphi onkulunkulu baseHamathi leArpadi na? Bangaphi onkulunkulu abaseSefavayimi labaseHena labaseIva na? Bangaphi onkulunkulu baseSamariya na?

2 AmaKhosi 19:13

Angaphi amakhosi aseHamathi leArpadi leSefavayimi leHena leIva na?

2 ImiLando 26:6

Waphuma ukuyahlasela amaFilistiya, wadilizela phansi umduli waseGathi lomduli waseJabine lomduli waseAshidodi, wakha imizi elizweni laseAshidodi lakwezinye indawo zamaFilistiya.

UJeremiya 49:23

Mayelana leDamaseko. IHamathi leArpadi kudidekile, ngoba kuzwile indaba ezimbi; kuphelelwa ngamandla kukhathazeke njengolwandle olungelakuthula.

UNahume 3:8

Wena Nineve, ungcono yini kulomuzi waseThebesi owawungasemfuleni uNile, uzingelezelwe ngamanzi, omthangala wawo wawululwandle, lamanzi engumduli wawo na?

1 USamuyeli 17:23

Kwathi esakhuluma labo, iqhawe lamaFilistiya, uGoliyathi, laphuma emabuthweni amaFilistiya, lakhuluma wona lawomazwi afana lawakuqala; loDavida wawezwa.

1 USamuyeli 17:4

Kwaphuma ezihonqweni zamaFilistiya iqhawe elithiwa nguGoliyathi waseGathi, ubude bakhe babusedlula ingalo ezine lengxenye.

1 USamuyeli 5:10

Basebewuthumela eEkroni umtshokotsho kaNkulunkulu. Kodwa kwathi lapho umtshokotsho kaNkulunkulu ufika eEkroni, abaseEkroni bakhala bathi: Basilethele umtshokotsho kaNkulunkulu wakoIsrayeli ukuba usibulale labakithi.

1 USamuyeli 5:8

Basebebiza zonke izikhulu zamaFilistiya, bazibuthanisa bathi: Sizakwenza njani ngomtshokotsho kaNkulunkulu kaIsrayeli na? Zaphendula zathi: Umtshokotsho kaNkulunkulu kaIsrayeli kawulethwe eGathi. Basebewuletha khona umtshokotsho kaNkulunkulu kaIsrayeli.