uAmosi 5:8 - iBhayibhili Elingcwele 1978

⁸ Yiyo eyenza inkanyezi ezithiwa yisiLimela lezithiwa yiziNja, lephendula umnyama omkhulu ube yikusa, iphendule imini ibe yibusuku, ibize amanzi olwandle iwanisele phezu komhlabathi; yiNkosi ibizo layo.

IBhayibhili Elingcwele LesiNdebele

⁸ Yena owenza iSilimela loMthala, oguqula umnyama ube yikusa enze imini ibe yibusuku obumnyama, yena obiza amanzi olwandle, awathele phezu kobuso belizwe, uThixo yilo ibizo lakhe,

uAmosi 5:8 ပူးပေါင်းရင်းမြစ်များ

UJobe 12:22

Uyambula imfihlakalo esemnyameni, alethe ukukhanya emnyameni omkhulu;

UJobe 37:13

Wenza konke lokhu ukuba kufike, kube yisiqondiso, ingabe kufike ngenxa yelizwi lakhe loba ngenxa yomusa.

UJobe 38:34

Ungawalawula amayezi amnyama ukuba akunethise ngamanzi awo amanengi na?

UJobe 9:9

Inkanyezi ezithiwa ziNgulube leziNja zenziwa nguye, lesiLimela lenkanyezi zaseningizimu.

AmaHubo 104:20

Wenza umnyama ube yibusuku, phakathi kwabo kuphume zonke inyamazana zehlathi;

AmaHubo 105:28

Yathuma umnyama, ilizwe laba mnyama; kodwa amaGibithe kawalalelanga amazwi ayo.

U-Isaya 42:16

Ngizakhokhela iziphofu ezindleleni ezingayaziyo, ngiziqondise ezindleleni ezingazaziyo, ngiphendule umnyama phambi kwazo ube yikukhanya, ngihlelembe lezindawo ezingamaxhakaxhaka. Yizo lezizinto engizakuzenza, ngingaziyekeli.

U-Isaya 59:10

Siphuthaza umduli njengesiphofu, siphuthaze njengalabo abangelamehlo; sikhubeke emini kungathi kukusihlwa, sinjengabafileyo elizweni labafileyo.

UJeremiya 16:21

Ngakhoke ngizabatshengisa lokhu, ngalesisikhathi ngizabazisa amandla ami lobukhulu bami, bazakwazi ukuthi ngiyiNkosi.

UJeremiya 33:2

INkosi eyenza umhlaba leyawubumba, yawumisa waqina, yona ethiwa yiNkosi, ithi:

uAmosi 4:13

Ngoba lowo owabumba izintaba, wadala umoya, lotshela umuntu ukuba imicabango yakhe iyini, owenza ukusa kube mnyama, onyathela ezindaweni eziphakemeyo zomhlaba, yiNkosi, uNkulunkulu wamabandla, ibizo lakhe.

uAmosi 8:9

Ngalolosuku, itsho iNkosi uNkulunkulu, ngizatshonisa ilanga emini, ngenze kube mnyama emhlabeni emini ekhanyayo.

uAmosi 9:6

Yiyo eyakha izindlu zayo emazulwini, yamisa umkhathi wayo phezu komhlaba, ebiza amanzi olwandle, iwanisele phezu komhlaba; yiNkosi ibizo layo.

UMatewu 4:16

abantu ababehlezi emnyameni babonile ukukhanya okukhulu, lababehlezi elizweni lasethunzini lokufa ukukhanya kuphumele kibo.

ULukha 1:79

ukubakhanyisela abahlezi emnyameni lasethunzini lokufa, lokuqondisa inyawo zethu endleleni yokuthula.