uAmosi 5:4 - iBhayibhili Elingcwele 1978

⁴ Ngoba iNkosi ithi kuIsrayeli: Ngidingani ukuze liphile;

IBhayibhili Elingcwele LesiNdebele

⁴ Nanku okutshiwo nguThixo endlini ka-Israyeli: “Dingani mina, liphile;

uAmosi 5:4 ပူးပေါင်းရင်းမြစ်များ

2 AmaKhosi 20:3

Nkosi, ake ukhumbule, ngiyakuncenga, ukuba ngihambe ngobuqotho phambi kwakho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 20:3

UJehoshafati wethuka, wazimisela ukuyidinga iNkosi uNkulunkulu, wamemezela ukuba kuzilwe ukudla kulo lonke lakoJuda.

2 ImiLando 20:4

AbakoJuda baphuma kuyo yonke imizi yakoJuda babuthana ukucela iNkosi uNkulunkulu ukuba ibasize.

2 ImiLando 34:3

Ngomnyaka wesificaminwembili wokubusa kwakhe esesengumfana waqala ukumdinga uNkulunkulu kaDavida ukhokho wakhe; ngomnyaka wetshumi lambili waqala ukuhlambulula uJuda leJerusalema, wavala indawo eziphakemeyo zokukhonzela, wadiliza insika zikankulunkulukazi uAshera, wasusa izithombe ezibaziweyo lezibunjiweyo.

AmaHubo 14:2

INkosi iyabakhangela abantu isezulwini, ukuba ibone ukuthi ukhona yini owenza okuqondileyo, ofuna uNkulunkulu.

AmaHubo 22:26

Abayanga bazakudla basuthe; abafuna iNkosi bazakuyidumisa. Inhliziyo zenu kaziphile kuze kube nininini.

AmaHubo 27:8

Wena uthe: Funani ubuso bami. Inhliziyo yami ithi kuwe: Ubuso bakho, Nkosi, ngizakubufuna.

AmaHubo 69:32

Abacindezelweyo kabakubone lokhu, bathokoze; lina elidinga uNkulunkulu kazivuseleleke inhliziyo zenu.

AmaHubo 69:33

Ngoba iNkosi iyabalalela abahluphekayo, kayizideleli izibotshwa zayo.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

U-Isaya 55:3

Lalelani, lize kimi, lizwe ukuze liphile; ngizakwenza lani isivumelwano esingapheliyo, ngothando olungapheliyo olwathenjiswa kuDavida.

UJeremiya 38:20

UJeremiya wathi: Kawuyikunikelwa kubo; lalela ilizwi leNkosi ngalokho engikutsho kuwe, kuzakukulungela, futhi uzakusila.

UHezekhiyeli 18:9

ehamba ngezimiso zami, egcina imithetho yami, onjalo ulungile; uzakuphila impela, kutsho iNkosi uNkulunkulu.

UHosiya 10:12

Zihlanyeleleni ukulunga, livune izithelo zothando olungapheliyo; qhathani ingqatho yenu, ngoba kuyisikhathi sokuyidinga iNkosi, ukuba ifike, ithele ukulunga phezu kwenu.

uAmosi 5:6

Dingani iNkosi ukuze liphile, funa ilumathe endlini kaJosefa njengomlilo otshisa uqothule, kungabi khona owucimayo eBetheli,

UZefaniya 2:3

Dingani iNkosi, lina lonke abathobekileyo bomhlaba abenza imilayo yayo, dingani ukulunga, lidinge ukuthobeka; mhlawumbe lingavikelwa ngosuku lolaka lweNkosi.

UMatewu 7:8

Ngoba ilowo lalowo ocelayo uyamukela, lofunayo uyafumana, loqoqodayo uyavulelwa.

UDutheronomi 32:46

wathi kubo: Bekani enhliziyweni zenu wonke amazwi engiwakhuluma kini lamuhla, ukuba libalaye abantwana benu ngawo, bawagcine kuhle wonke amazwi alumlayo.

UDutheronomi 32:47

Ngoba kini kakusiyo into eyize, kodwa kuyikuphila kwenu; ngalokhu lizahlala isikhathi eside elizweni elichapha iJordani ukulithumba.

UDutheronomi 4:29

Kodwa uba lilapho liyifune iNkosi uNkulunkulu wenu, lizayifumana uba liyidinga ngenhliziyo yenu yonke langomphefumulo wenu wonke.