uAmosi 4:8 - iBhayibhili Elingcwele 1978

⁸ Kwasekuhamba imizi emibili loba emithathu, yayanatha amanzi emzini owodwa, kodwa kayikholwanga; kanti kaliphendukelanga kimi, kutsho iNkosi.

IBhayibhili Elingcwele LesiNdebele

⁸ Abantu babhadazela besuka kwelinye idolobho besiya kwelinye befuna amanzi kodwa kabawatholanga anele ukuba bakholwe, ikanti kalibuyelanga kimi,” kutsho uThixo.

uAmosi 4:8 ပူးပေါင်းရင်းမြစ်များ

1 AmaKhosi 18:5

UAhabi wathi kuObadiya: Akuhambe phakathi kwalo lonke ilizwe kuyo yonke imithombo yamanzi lasezihotsheni zonke; mhlawumbe singazuza utshani, sisize amabhiza lezimbongolo ukuze zingafi, singalahlekelwa ngezinye izifuyo.

U-Isaya 9:12

amaSiriya ngasempumalanga lamaFilistiya ngasentshonalanga ayadla uIsrayeli ngomlomo wawo. Kukho konke lokhu ukuthukuthela kwayo kakupheli, isiphakamisile isandla sayo ukutshaya futhi.

UJeremiya 23:14

Kubaprofethi baseJerusalema ngibone okwesabekayo; bayafeba, baqambe amanga, baqinisa izandla zalabo abenza okubi kungasuki muntu ebubini bakhe; bonke sebefana leSodoma kimi, labakhileyo khona bafana leGomora.

UJeremiya 3:3

Ngenxa yalokho izihlambo zinqandiwe, lezulu lentwasa kalinanga. Kanti ulesibindi sesifebe, kawulanhloni.

UJeremiya 3:7

Ngathi uzabuya kimi esekwenzile konke lokhu; kodwa kabuyanga, lodadewabo ongathembekanga uJuda wakubona lokho.

UJeremiya 5:3

Nkosi, amehlo akho kawathandi ukubona iqiniso na? Wena ubatshayile, kodwa kabezwanga ubuhlungu; ubaqothule, kodwa bala ukulaywa. Benza inhliziyo zabo zaba lukhuni kulelitshe, bala ukuphenduka.

UHosiya 11:5

Bazabuyela eGibithe, leAsiriya lizakuba yinkosi yabo, ngoba balile ukubuya kimi.

UHosiya 7:10

Ukuzigqaja kukaIsrayeli kuyafakaza ngaye, kodwa kababuyeli eNkosini uNkulunkulu wabo, kabamdingi ngakho konke lokhu.

uAmosi 4:6

Yimi engalethela indlala emizini yenu yonke, lokusweleka kokudla kuzo zonke indawo zenu; kanti kaliphendukelanga kimi, kutsho iNkosi.

UMikha 6:14

Lizakudla, kodwa lingasuthi, kube khona ukulamba ngaphakathi kwenu; lizakulondoloza, kodwa kungalondolozeki; lalokhu elikulondolozayo ngizakukunikela empini.

UHagayi 1:6

Lihlanyele okunengi, lavuna okuyingcosana; liyadla, kodwa kalisuthi; liyanatha, kodwa kalikholwa; ligqoke lingakhudumali, lohola imali uholela ukuyifaka esikhwameni esivuzayo.

UHagayi 2:17

Ngalitshaya kanye layo yonke imisebenzi yenu ngokutshisa langengumane langesiqhotho; kanti kaliphendukelanga kimi, kutsho iNkosi.