uAmosi 4:1 - iBhayibhili Elingcwele 1978

¹ Zwanini lelilizwi, lina mankomokazi aseBashani, elisentabeni yaseSamariya, elicindezela abayanga, linyathezela phansi abaswelayo, elithi kubomkenu: Lethani sinathe.

IBhayibhili Elingcwele LesiNdebele

¹ Zwanini ilizwi leli lina mankomokazi aseBhashani phezu kweNtaba iSamariya, lina besifazane elincindezela abayanga lichoboze abaswelayo beselisithi kubomkenu, “Siletheleni okunathwayo!”

uAmosi 4:1 ပူးပေါင်းရင်းမြစ်များ

1 AmaKhosi 16:24

Wathenga intaba yaseSamariya kuShemeri ngamathalenta esiliva amabili, wakha umuzi phezu kwayo, wawutha ibizo likaShemeri umnikazi wayo wathi yiSamariya.

UJobe 20:19

Ngoba ubacindezele wabalahla abayanga, wathatha indlu abengayakhanga.

UJobe 24:4

Baxotsha abayanga emigwaqweni; bonke abayanga bomhlaba bayacatsha.

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 140:12

Ngiyazi ukuthi iNkosi iyayimela indaba yohluphekayo, iyabenzela ukulunga abayanga.

AmaHubo 22:12

Inkunzi ezinengi zingihanqile, inkunzi ezilamandla zaseBashani zingizingelezele;

Izaga 22:7

Abanothileyo babusa abayanga, umeboleki uyisigqili somebolekisi.

UmTshumayeli 4:1

Ngasengibuya ngibone ukucindezela okwenziwa ngaphansi kwelanga; abacindezelwayo babekhala inyembezi, kodwa kungekho obaduduzayo. Kwakungekho abaduduzayo, ngoba abacindezeli babe lamandla.

UmTshumayeli 5:8

Uba ubona elizweni ukucindezelwa kwabayanga lokusweleka kokulunga lokwahlulela, kungakumangalisi okwenziwayo, ngoba zonke induna zibekelwe abakhulu ukuzikhangela, lomkhulu kulabo bonke uyabakhangela bonke.

U-Isaya 28:1

Maye kuyo imiqhele yokuzikhukhumeza yezikhulu zakoEfrayimi ezidakiweyo, lakuwo amaluba ayo amahle ngoba ayabuna; aphezu kwamakhanda abadakiweyo agcotshwe ngamakha amahle, bona beqedwe ngutshwala.

U-Isaya 5:8

Maye kulabo abathenga izindlu ngezindlu lamazwe ngamazwe, indawo yonke ibe ngeyabo, lisale lina lihlala lodwa phakathi kwelizwe!

U-Isaya 56:12

Bathi: Wozani, ngizakuletha iwayini, ngilethe lelibukhali silinathe; lakusasa kuzakuba njalo, kube lenjabulo enkulu.

U-Isaya 58:6

Kayisikho lokhu ukuzila engikufunayo yini, ukuthukululwa kwezibopho zobubi, lokukhululwa kwemichilo yejogwe, ukuze bakhululeke abacindezelweyo, kwaphulwe wonke amajogwe na?

UJeremiya 50:11

Lanxa lithokoza, lanxa lijabula, lina baphangi belizwe lami, lanxa liqolotsha njengethokazi elisotshanini, likhale njengamabhiza amaduna,

UJeremiya 50:27

Bulalani inkunzi zalo zonke, kazisiwe ekuhlatshweni. Maye kuzo! ngoba usuku lwazo lufikile, isikhathi sokutshaywa kwazo.

UJeremiya 51:34

UNebukadineza inkosi yaseBabiloni usidlile, usiqedile; wasenza saba yimbiza engelalutho, wasiginya njengomgobho, usuthi ngokumnandi kwethu, wasitsaka.

UJeremiya 6:6

Ngoba iNkosi yamabandla ithi: Gamulani izihlahla zalo, lakhe imiduli yokuvimbezela iJerusalema. Yiwo lo umuzi ofanele ukutshaywa; yikucindezela kuphela phakathi kwawo.

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 22:29

Abantu belizwe bayaqilibezela, baphange abanye, bahluphe abayanga labaswelayo, bacindezele kakhulu abezizweni.

UHezekhiyeli 22:7

Phakathi kwakho abazali benziwa inhlekisa, owezizweni uyacindezela phakathi kwakho, koniwe intandane lomfelwakazi.

UHezekhiyeli 34:16

Ngizadinga ezilahlekileyo, ngibuyise eziduhileyo, ngibophe ezaphukileyo, ngiqinise ezibuthakathaka; lezinonileyo leziqinileyo ngizazilondoloza, ngizidlise ngokulunga.

UHezekhiyeli 39:18

Lizakudla inyama yamaqhawe, linathe igazi lezikhulu zomhlaba; banjengezinqama, lamawundlu, lezimbuzi, lezinkunzi, lezinonileyo zaseBashani.

UJoweli 3:3

zenza inkatho ngabantu bami, zenanisa abafana ngamawule, zathengisa amankazana ngewayini, zalinatha.

uAmosi 3:1

Zwanini lelilizwi iNkosi elikhulume ngani, lina bakoIsrayeli, ngaso sonke isizwe eyasikhupha elizweni laseGibithe, ithi:

uAmosi 3:3

Ababili bangahamba bonke kanyekanye uba bengavumelananga na?

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

uAmosi 6:1

Maye kubo abachelesileyo eZiyone labalondolozekileyo entabeni yaseSamariya, amadoda adumileyo esizwe sokuqala abaya kuwo abakoIsrayeli!

uAmosi 6:6

benatha iwayini ngezinkamba, bazigcobe ngamagcobo amahle, kodwa kabadabukeli ukuchitheka kukaJosefa.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

AmaNani 21:33

Basebephenduka, bahamba ngendlela eya eBashani. UOgi inkosi yaseBashani waphuma kanye labantu bakhe bonke, wabahlasela eEdreyi.

UDutheronomi 24:14

Ungacindezeli inceku eqatshiweyo engumyanga leswelayo, loba ingowabakini, loba ingowabezizwe abahlala elizweni lakini komunye wemizi yakini.

UDutheronomi 28:33

Isizwe ongasaziyo sizakudla izithelo zomhlaba wakho lokwemisebenzi yonke yezandla zakho. Uzakucindezelwa kuphela, uchotshozwe njalonjalo,