uAmosi 2:7 - iBhayibhili Elingcwele 1978

⁷ banyathezela phansi abayanga, baphambanise abathobileyo endleleni yabo. Umuntu loyise baya entombininye, bangcolise ibizo lami elingcwele.

IBhayibhili Elingcwele LesiNdebele

⁷ Banyathela phezu kwamakhanda abayanga njengaphezu kothuli lomhlabathi banqabele imfanelo yabancindezelweyo. Uyise lendodana bembatha lentombi yinye kanjalo bangcolise ibizo lami elingcwele.

uAmosi 2:7 ပူးပေါင်းရင်းမြစ်များ

2 USamuyeli 12:14

Kodwake ngoba ngalesisenzo uyidelele iNkosi, umntwana ozamzalelwa uzakufa.

1 AmaKhosi 21:4

UAhabi wasengena endlini yakhe esezondile enyukumele ngenxa yamazwi kaNabothi waseJezereli, ngoba wayethe kuye: Ngingeze ngakunika ilifa lakwethu. Walala embhedeni wakhe, wakhangelisa ubuso bakhe emdulini, wala ukudla.

Izaga 28:21

Ukubandlulula abantu ekwahluleleni kakulunganga; kodwa umuntu angona ukuba azuze ucezu lwesinkwa nje.

U-Isaya 10:1

Maye kulabo abamisa izimiso ezimbi, lababhala izimiso ezisindayo,

U-Isaya 10:2

ukuphambukisa abayanga kukho okufaneleyo, lokwamuka abahluphekayo ebantwini bami ilungelo labo, bephanga abafelwakazi lezintandane!

U-Isaya 3:14

INkosi iyakwahlulela abadala lezikhulu zabantu bayo. Ithi: Yini elidle izivini, elikuphange kubayanga kusezindlini zenu.

U-Isaya 3:15

Libachobozelani abantu bami ngokucindezela abangabayanga na? kutsho iNkosi uNkulunkulu wamabandla.

UHezekhiyeli 22:11

Omunye wenza amanyala lomfazi womakhelwana wakhe, lomunye awule lomalokazana wakhe, omunye angcolise udadewabo, indodakazi kayise.

UHezekhiyeli 36:20

Kodwa nxa befika ezizweni lakuyiphi indawo abafika kiyo, bangcolisa ibizo lami elingcwele, abantu baze bathi ngabo: Laba bangabantu beNkosi, kodwa bakhutshiwe elizweni layo.

UHosiya 4:14

Kangiyikuwatshaya amadodakazi enu nxa ewula, labalobokazi benu nxa befeba; ngoba lamadoda lawo ahamba lamawule, enze imihlatshelo yawo kanye lezifebe zasethempelini; abantu abangelakuqedisisa bazabhubha.

ULevi 18:15

Ungambuli ubunqunu bukamalokozana; ungambuli ubunqunu bakhe lokhu engumkamntanakho.

ULevi 18:21

Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

ULevi 18:8

Ungambuli ubunqunu bomkayihlo, ngoba buyibunqunu bukayihlo.

ULevi 20:3

Minake ngizamelana lalowomuntu, ngimkhuphe ebantwini bakibo, ngoba enikele ngomunye wabantwana bakhe kuMoloki, wangcolisa indlu yami engcwele, wahlambaza ibizo lami elingcwele.

uAmosi 4:1

Zwanini lelilizwi, lina mankomokazi aseBashani, elisentabeni yaseSamariya, elicindezela abayanga, linyathezela phansi abaswelayo, elithi kubomkenu: Lethani sinathe.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

uAmosi 5:12

Ngoba ngiyazi ukuba iziphambeko zenu zinengi kangakanani, lokuba izono zenu zinkulu kangakanani, lina elihlupha abalungileyo, lamukele umvuzo wokuthengwa, lixotshe abaswelayo enkundleni.

uAmosi 8:4

Zwanini lokhu, lina elinyathelela phansi abaswelayo, elichitha abayanga belizwe,

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

UMikha 2:9

Lixotshe abesifazana babantu bami ezindlini abazithandayo; ebantwaneni babo lisuse udumo lwami kokuphela.

UZefaniya 3:3

Izikhulu zawo zinjengezilwane ezibhongayo; labahluleli bawo banjengezimpisi eziyizihwaba ezingatshiyi lutho kuze kuse.

AbaseRoma 2:24

Kulotshiwe ukuthi: Ibizo likaNkulunkulu liyahlanjazwa phakathi kwabezizwe ngenxa yenu.

1 AbaseKhorinte 5:1

Impela kuyatshiwo ukuthi kukhona ukuphinga phakathi kwenu, futhi ukuphinga kohlobo olungekho ngitsho laphakathi kwabangakholwayo, okokuthi omunye wakini uthethe umkayise.