uAmosi 1:8 - iBhayibhili Elingcwele 1978

⁸ Ngizakuqeda abakhileyo eAshidodi, kanye laye obusayo eAshikeloni, ngiphendukele eEkroni; labaseleyo bamaFilistiya bazabhubha; kutsho iNkosi uNkulunkulu.

IBhayibhili Elingcwele LesiNdebele

⁸ Ngizayichitha inkosi yase-Ashidodi kanye lalowo ophatha intonga yobukhosi e-Ashikheloni. Ngizaphendulela isandla sami ekuhlaseleni i-Ekroni kuze kufe umFilistiya wokucina,” kutsho uThixo Wobukhosi.

uAmosi 1:8 ပူးပေါင်းရင်းမြစ်များ

2 ImiLando 26:6

Waphuma ukuyahlasela amaFilistiya, wadilizela phansi umduli waseGathi lomduli waseJabine lomduli waseAshidodi, wakha imizi elizweni laseAshidodi lakwezinye indawo zamaFilistiya.

AmaHubo 81:14

Bengingazinqoba masinyane izitha zabo, ngiselule isandla sami ngakulabo abamelana labo.

U-Isaya 1:25

Ngizaphakamisela isandla sami kuwe, ngitshise amanyele akho esithandweni somlilo, ngisuse yonke insimbi engelamsebenzi ekuwe.

U-Isaya 20:1

Ngomnyaka wokufika kwenduna enkulu, eyayithunywe nguSarigoni inkosi yaseAsiriya eAshidodi, yalihlasela, yalithatha.

UJeremiya 47:1

Ilizwi leNkosi elafika kuJeremiya umprofethi ngamaFilistiya, uFaro engakanqobi iGaza, lathi:

UHezekhiyeli 25:16

ngalokho, kutsho iNkosi uNkulunkulu, ngizaphakamisela isandla sami ngakuwo amaFilistiya, ngichithe abaseKerethi, ngibhubhise labo bonke abangasolwandle.

UJoweli 3:4

Liyini kimi, lina Tire leSidoni, lani lonke zabelo zaseFilistiya na? Liyangiphindisela ngolutho na? Uba lingiphindisela ngolutho, ngizaphangisa ukulibuyisela ngezenzo zenu.

uAmosi 1:7

Ngakho ngizathumela umlilo phezu kwemithangala yaseGaza ozakutshisa izinqaba zalo.

uAmosi 3:9

Memezelani ezinqabeni zaseAsiriya lezinqabeni zaselizweni laseGibithe, lithi: Buthanani phezu kwezintaba zaseSamariya, libone iziphithiphithi ezinkulu eziphakathi kwalo lokucindezelwa okukilo.

uObadiya 1:18

Indlu kaJakobe izakuba ngumlilo, lendlu kaJosefa ibe lilangabi, indlu kaEsawu ibe ngamabibi; bazakuwatshisa bawaqede; kakuyikuba khona oseleyo endlini kaEsawu; ngoba iNkosi isikhulumile.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UZakhariya 9:5

IAshikeloni lizakukubona lokho, lesabe, leGaza lalo lithuthumele kakhulu, leEkroni lalo ngoba ithemba lalo liphelile. Inkosi yaseGaza izabhubha, leAshikeloni kalisayikuhlalwa muntu.

UZakhariya 9:6

Abantu abazalwa ngokufeba bazahlala eAshidodi; ngizaqeda ukuzigqaja kwamaFilistiya.

1 USamuyeli 6:17

Mayelana lezithombe zamathumba zegolide amaFilistiya azithumela zibe ngumnikelo wecala eNkosini, esinye sasingeseAshidodi, lesinye singeseGaza, lesinye singeseAshikeloni, lesinye singeseGathi, lesinye singeseEkroni.