Izililo 4:14 - iBhayibhili Elingcwele 1978

¹⁴ Bazula njengeziphofu ezindleleni, begcwele igazi, kungekho ongathinta izambatho zabo.

IBhayibhili Elingcwele LesiNdebele

¹⁴ Manje sebephumputha emigwaqweni njengabantu abayiziphofu. Sebengcoliswe ligazi kakuselamuntu ongathinta izembatho zabo.

Izililo 4:14 ပူးပေါင်းရင်းမြစ်များ

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

U-Isaya 56:10

Abalindi bonke bakoIsrayeli bayiziphofu, kabalakwazi; bonke banjengezinja eziyizimungulu ezingakwaziyo ukukhonkotha; balala nje baphuphe, bathanda ubuthongo.

UJeremiya 2:34

Lasezigqokweni zakho kufunyanwa igazi labayanga abangelacala; kawubafumananga befohlela. Kanti kukho konke lokho uthi:

UJeremiya 26:8

lapho eseqedile ukukhuluma konke iNkosi eyayimlayile ukukukhuluma ebantwini, abapristi labaprofethi labo bonke abantu bamdumela bathi: Sizakukubulala!

UHezekhiyeli 23:45

Kodwa abantu abalungileyo bazabathonisisa, babagwebe ngesigwebo esifanele isifebekazi, langesigwebo esifanele abesifazana abachitha igazi; ngoba beyizifebekazi, lezandla zabo zigcwele igazi.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

UZefaniya 1:17

Ngizakwehlisela abantu usizi ukuze bahambe njengeziphofu, ngoba bonile eNkosini; igazi labo lizakuchithwa njengothuli; lenyama yabo njengobulongwe.

AmaNani 19:16

Yilowo lalowo othinta umuntu obuleweyo empini egangeni, loba isidumbu sozifeleyo, loba ithambo lomuntu, loba iliba, uzakuba ngongcolileyo insuku eziyisikhombisa.

AmaNani 35:33

Kaliyikungcolisa ilizwe elihlala kilo; ngoba igazi lingcolisa ilizwe; kayikho inhlawulo yokuhlawula ilizwe ngegazi elichithekile kulo, kuphela ngegazi lomuntu olichithileyo.

UMatewu 15:14

Bayekeleni; bangabakhokheli abayiziphofu. Alubana isiphofu sikhokhela isiphofu, zizakuwela emgodini zombili.

Abase-Efesu 4:18

Kumnyama engqondweni yabo, behlukene lokuphila kukaNkulunkulu ngenxa yokungazi kwabo, langenxa yobulukhuni benhliziyo yabo.