Izililo 3:38 - iBhayibhili Elingcwele 1978

³⁸ Kakuphumi okuhle lokubi emlonyeni woPhezukonke na?

IBhayibhili Elingcwele LesiNdebele

³⁸ Akuveli emlonyeni woPhezukonke ukuthi kuyehla inhlupheko lezinto ezinhle na?

Izililo 3:38 ပူးပေါင်းရင်းမြစ်များ

2 USamuyeli 16:10

Kodwa inkosi yathi: Kulihlupha ngani lokhu, lina madodana kaZeruya na? Uba engithuka ngoba iNkosi uNkulunkulu ithe kuye: Thuka uDavida; ngubani ongathi: Ukwenzeleni lokho na?

UJobe 2:10

Kodwa yena wathi kuye: Ukhulumisa okowesifazana oyisithutha. Sizakwamukela okuhle kuphela esandleni sikaNkulunkulu, singamukeli lokubi na? Kukho konke lokhu uJobe konanga ngomlomo wakhe.

AmaHubo 75:7

kodwa uNkulunkulu nguye owahlulelayo, uyehlisa omunye, aphakamise omunye.

Izaga 29:26

Abanengi bafuna ukuthandwa ngumbusi, kodwa okufaneleyo kuvela eNkosini kuphela.

UmTshumayeli 7:14

Thokoza ngosuku lokuphumelela, ngosuku olubi ukhumbule ukuthi uNkulunkulu uzenzile zonke ukuze umuntu angakuboni okuzakwenzeka ngensuku ezizayo.

U-Isaya 45:7

Yimi engenza ukukhanya, ngiveze lomnyama; yimi engiletha okuhle, ngiveze lokubi; ngiyiNkosi eyenza lezizinto zonke.

UJeremiya 32:42

Ngoba iNkosi ithi: Njengoba ngehlisele phezu kwalababantu bonke lobububi, ngokunjalo ngizabehlisela konke okuhle engikukhulumileyo.

uAmosi 3:6

Uphondo lungakhala emzini abantu bengethuki na? Umuzi ungehlelwa ngokubi iNkosi ingakuvumelanga na?