Izililo 2:22 - iBhayibhili Elingcwele 1978

²² Wangibizela izitha zami, zavela inxa zonke, njengabantu abeza emkhosini, kakho loyedwa owaphunyukayo, kakho owasilayo osukwini lokuthukuthela kweNkosi. Bonke engabazala ngabondla babhujiswa yizitha zami.

IBhayibhili Elingcwele LesiNdebele

²² “Njengokunxusela idili, wanginxusela izitha inxa zonke. Ngosuku lolaka lukaThixo, kakho owaphunyukayo loba owasilayo; bonke engangibanakekela lengabondlayo babulewe yisitha sami.”

Izililo 2:22 ပူးပေါင်းရင်းမြစ်များ

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

AmaHubo 31:13

Inxa zonke ngifikelwa yikwesaba, lapho ngisizwa ukunyenyeza kwabanengi, besenza icebo ngami, beqonde ukungibulala.

U-Isaya 28:19

Lapho zidlulayo njalo zizalithatha; ngoba zizadlula ukusa ngokusa, emini lebusuku. Lapho lisizwa ilizwi elinjalo lizatshaywa luvalo.

UJeremiya 11:11

Ngakhoke ngizabehlisela okubi, kabayikukuphepha; lanxa bekhala kimi, kangiyikubalalela, kutsho iNkosi.

UJeremiya 14:19

Usumlahlile impela uJuda yini, leZiyone liyakunenga na? Usitshayeleni singabi lakusiliswa na? Salindela ukuthula, kodwa kakuvelanga okuhle. Sahlalela isikhathi sokwelatshwa, kodwa kwavela ukwesaba.

UJeremiya 20:3

Kwathi kusasa, lapho uPashuri esemkhuphe esitokisini uJeremiya, uJeremiya wathi kuye: INkosi kayisakubizi ngokuthi unguPashuri, kodwa ngokuthi uyiKwesabeka okunxa zonke.

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 44:7

Ngakhoke iNkosi, uNkulunkulu wamabandla, uNkulunkulu kaIsrayeli, ithi: Likwenzelani phezu kwenu lokhu okubi kangaka, ukuba libhubhise indoda lomfazi, usane lomntwana, baphele koJuda, kungasali muntu na?

UJeremiya 46:5

Ngibonani na? Sebephele amandla, babuyele emuva. Lamaqhawe abo ayahlulwa, ayabaleka, kawanyemukuli emuva; lokwesaba kunxa zonke, kutsho iNkosi.

UJeremiya 6:25

Lingaphumeli egangeni, lingahambi endleleni, ngoba izitha zihlomile, lokwesaba kukhona inxa zonke.

UDutheronomi 28:18

Kuzaqalekiswa inzalo yenu, lezithelo zomhlaba wenu, lokwanda kwenkomo zenu lezimvu zenu.