Isambulo 8:2 - iBhayibhili Elingcwele 1978

² Ngasengibona izithunywa eziyisikhombisa ezimi phambi kukaNkulunkulu, zinikwa impondo eziyisikhombisa.

IBhayibhili Elingcwele LesiNdebele

² Ngasengibona izingilosi eziyisikhombisa ezima phambi kukaNkulunkulu ziphiwa amacilongo ayisikhombisa.

Isambulo 8:2 ပူးပေါင်းရင်းမြစ်များ

UZakhariya 4:10

Ngubani odelele usuku lwezinto ezincinyane na? Uzathokoza lapho ebona uZerubabeli ephethe ilitshe elikhethiweyo. Isithunywa sasesisithi: Izibane eziyisikhombisa zingamehlo eNkosi athalazayo umhlaba wonke.

UMatewu 18:10

Khangelani lingadeleli omunye walaba abancinyane ngoba ngithi kini: Ezulwini izithunywa zabo zihlala zibona ubuso bukaBaba osezulwini. [

UMatewu 24:31

Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

ULukha 1:19

Isithunywa samphendula sathi: NginguGabriyeli mina, omayo phambi kukaNkulunkulu; ngithunyiwe ukukhuluma lawe lokukubikela lindaba enhle.

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

1 AbaseKhorinte 15:52

ngesikhatshana, ngokuqwayiza kwelihlo, ekukhaleni kophondo lokucina; ngoba uphondo luzakukhala, abafileyo bazakuvuswa bengelakubola, thina sizakuphendulwa.

1 AbaseThesalonika 4:16

ngoba iNkosi uqobo izakwehla ivela ezulwini ngomdumo, ngokumemeza kwesithunywa, langokukhala kophondo lukaNkulunkulu; labafileyo kuKristu bazakuvuka kuqala;

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 15:1

Ngasengibona esinye isibonakaliso ezulwini esikhulu lesimangalisayo, izithunywa eziyisikhombisa zilezifo eziyisikhombisa zokucina, ngoba lwapheleliswa ngazo ulaka lukaNkulunkulu.

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.

Isambulo 8:13

Ngasengikhangela, ngezwa ukhozi luphapha emkhathini lukhala ngelizwi elikhulu lusithi: Maye, maye, maye kulabo abakhileyo emhlabeni, lapho sekukhala impondo ezizakukhaliswa yizithunywa ezintathu zokucina!

Isambulo 8:6

Kwathi izithunywa eziyisikhombisa ezaziphethe impondo eziyisikhombisa zazilungisela ukuba zizikhalise.

Isambulo 9:1

Isithunywa sesihlanu salukhalisa uphondo; ngabona inkanyezi ivela ezulwini, iwela emhlabeni, yanikwa ikhiye yomgodi ongelamkhawulo.