Isambulo 8:11 - iBhayibhili Elingcwele 1978

¹¹ Ibizo lenkanyezi lalithiwa nguMhlonyane; ingxenye yesithathu yamanzi yaba njengomhlonyane, labantu abanengi bafa bebulawa ngamanzi, ngoba ayesebaba.

IBhayibhili Elingcwele LesiNdebele

¹¹ ibizo lenkanyezi leyo nguMhlonyane. Ingxenye yesithathu yamanzi yaphenduka yababa, abantu abanengi bafa ngenxa yamanzi ayesebaba.

Isambulo 8:11 ပူးပေါင်းရင်းမြစ်များ

U-Eksodasi 15:23

Kwathi lapho befika eMara babengelakuwanatha amanzi aseMara ngoba ayebaba; ngakhoke indawo yathiwa yiMara.

Izaga 5:4

kodwa ekucineni siyababa njengomhlonyane, sibukhali njengensingo.

UJeremiya 23:15

Ngakho iNkosi yamabandla ithi mayelana labaprofethi: Khangela, ngizabanika ukuba badle umhlonyane, ngibanathise amanzi abulalayo; ngoba kusukela kubaprofethi baseJerusalema ububi buphumele kilo lonke ilizwe.

UJeremiya 9:15

Ngakhoke iNkosi yamabandla, uNkulunkulu kaIsrayeli, ithi: Ngizabanika lababantu umhlonyane ukuba bawudle, banathe amanzi abulalayo.

Izililo 3:19

Nxa ngikhumbula ukuhlupheka kwami lobuhlungu bami, kubaba njengomhlonyane lenyongo.

Izililo 3:5

Ingihanqile yangembesa ngosizi langokuhlupheka.

uAmosi 5:7

lina elihlanekela ukwahlulela likwenze kube yinto ebabayo, liphosele phansi ukulunga.

uAmosi 6:12

Kambe amabhiza angagijima emadwaleni na? Kuyalinywa olwandle ngezinkabi na? Liphendulele okufaneleyo kwaba ngumuthi obulalayo, lezithelo zokulunga zaba yinto ebabayo.

UZakhariya 13:8

Kuzakuthi kulo lonke ilizwe kubulawe ebantwini ingxenye ezimbili kwezintathu, kutsho iNkosi.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UDutheronomi 29:18

Qaphelani, funa kube khona phakathi kwenu umuntu, umuzi ingabe isizwe, okulenhliziyo efulathela iNkosi uNkulunkulu wethu lamhla ukuyakhonza onkulunkulu balezozizwe. Qaphelani, funa kube khona phakathi kwenu impande ethela izithelo ezibabayo lezilobuhlungu,

AmaHebheru 12:15

Qaphelisani kungabi khona osilelayo emuseni kaNkulunkulu, kungabi khona lampande ebabayo ehlumayo ukubangcolisa abanengi,

Isambulo 12:4

umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.

Isambulo 9:15

Zasezikhululwa izithunywa ezine ezazilungiselwe lezizikhathi losuku lenyanga lomnyaka ukuba zibulale ingxenye yesithathu yabantu.

Isambulo 9:18

Ngalezizifo ezintathu kwabulawa ingxenye yesithathu yabantu ngomlilo langentuthu langesolufa, okwaphuma emilonyeni yawo.

URuthe 1:20

Yena wathi kibo: Lingangibizi ngokuthi nginguNawomi, kodwa lingibize ngokuthi nginguMara; ngoba uSomandla ungiphethe ngobuhlungu obukhulu.