Isambulo 6:16 - iBhayibhili Elingcwele 1978

¹⁶ besithi ezintabeni lasemaweni: Welani phezu kwethu, lisifihle emehlweni akhe ohlezi esihlalweni sobukhosi lasolakeni lweWundlu,

IBhayibhili Elingcwele LesiNdebele

¹⁶ Babiza izintaba lamadwala besithi, “Welani phezu kwethu lisifihle ebusweni balowo ohlezi esihlalweni sobukhosi kanye lasolakeni lweWundlu!

Isambulo 6:16 ပူးပေါင်းရင်းမြစ်များ

AmaHubo 14:5

Bazakutshaywa luvalo olukhulu, ngoba uNkulunkulu ukuso isizukulwana sabalungileyo.

U-Isaya 2:10

Ngenani ezimbalwini, licatshele emihomeni ukwesabeka kweNkosi, lodumo, lobukhosi bayo.

UJeremiya 8:3

Ukufa kuzakuba ngcono kulokuphila kubo bonke abaseleyo balesisizwe esibi, kuzo zonke indawo lapho ngibaxotshele khona, kutsho iNkosi yamabandla.

UHosiya 10:8

Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UMakho 3:5

Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

ULukha 23:30

Bazakuqalisa ukuthi ezintabeni: Welani phezu kwethu; lemaqaqeni ukuthi: Sisibekeleni.

Isambulo 10:6

safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

Isambulo 4:2

Masinyane ngehlelwa nguMoya; ngabona isihlalo sobukhosi simi ezulwini, ngabona ohlezi phezu kwesihlalo sobukhosi.

Isambulo 4:5

Lasesihlalweni sobukhosi kwakuphuma imibane, lamazwi, lokuduma; lezibane zomlilo eziyisikhombisa zazibhebha phambi kwazo, zona zingomoya abayisikhombisa bakaNkulunkulu;

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,

Isambulo 5:1

Ngasengibona esandleni sokunene sakhe owayehlezi esihlalweni sobukhosi incwadi elotshwe ngaphakathi langaphandle, inanyekiwe ngempawu eziyisikhombisa.

Isambulo 6:10

Bamemeza ngelizwi elikhulu besithi: Nkosi ebusayo engcwele leqotho, koze kube nini ungathonisisi uphindisele igazi lethu kulabo abakhileyo emhlabeni na?

Isambulo 9:6

Ngalezonsuku abantu bazakufuna ukufa, bengakufumani; bazakufisa ukufa, kodwa ukufa kuzababalekela.