Isambulo 6:13 - iBhayibhili Elingcwele 1978

¹³ lezinkanyezi zomkhathi zawohlokela emhlabeni njengomkhiwa uwohlozwa ngumoya omkhulu;

IBhayibhili Elingcwele LesiNdebele

¹³ izinkanyezi emkhathini zawela emhlabeni njengemikhiwa yamuva ikhithika esihlahleni somkhiwa lapho sinyikinywa ngumoya olamandla.

Isambulo 6:13 ပူးပေါင်းရင်းမြစ်များ

UJobe 15:33

Uzawohloza izithelo zakhe ezingavuthwanga njengevini, athintithe impoko zakhe njengesihlahla seoliva.

U-Isaya 13:10

Inkanyezi zezulu kaziyikukhanya; ilanga lizakuba mnyama ekuphumeni kwalo, lenyanga kayisayikukhanya.

U-Isaya 33:9

Ilizwe lichithekile, lisele lize, izihlahla zeLebanoni ziyafa; iSharoni elivundileyo selinjengenkangala. eBashani laseKarmeli kuvuthuka amahlamvu ezihlahla.

U-Isaya 34:4

Zonke inkanyezi lelanga lenyanga kuzakuphela, umkhathi ugoqwe njengomqulu, lenkanyezi zonke ziwe lanjengamahlamvu awohloka evinini, njengamahlamvu awohloka esihlahleni somkhiwa.

U-Isaya 7:2

Lapho kubikwa endlini kaDavida ukuthi iSiriya ihlangene loEfrayimi, uAhazi labantu bakhe bathuthumela njengezihlahla zinyikinywa ngumoya.

UHezekhiyeli 32:7

Lapho sengikuchitha, ngizasibekela iphezulu, ngenze inkanyezi zalo zibe mnyama, ngisibekele ilanga ngeyezi, lenyanga ingabe isakhanya.

UDanyeli 4:14

Samemeza sathi: Sigamuleleni phansi isihlahla, liqume ingatsha zaso, lisiphundle amahlamvu, lichithachithe izithelo zaso. Izinyamazana kazibaleke ngaphansi kwaso, lenyoni engatsheni zaso.

UDanyeli 8:10

Lwakhula lwaba lukhulu lwaze lwafinyelela ezinkanyezini zaphezulu; lwazidilizela phansi ezinye inkanyezi, lwazinyathela.

UJoweli 2:31

Ilanga lizaphenduka umnyama, lenyanga ibe ligazi, lungakafiki usuku lweNkosi olukhulu lolwesabekayo.

UNahume 3:12

Inqaba zakho zonke zinjengezihlahla zemikhiwa ezilezithelo ezivuthiweyo, uba zinyikinywa, izithelo ziwela emlonyeni wodlayo.

UMatewu 24:29

Masinyane emva kokuhlupheka kwalezonsuku ilanga lizakufiphala, lenyanga kayiyikukhanya, lenkanyezi zizakuwa ezulwini, lamandla ezulu azakuzanyazanyiswa.

UMakho 13:25

inkanyezi zizabe zisiwa ezulwini, lamandla asezulwini azakuzanyazanyiswa.

ULukha 21:25

Kuzakuba khona isibonakaliso elangeni lasenyangeni lasezinkanyezini; lasemhlabeni usizi luzakwehlela izizwe, zidideke kakhulu ngenxa yokuduma kolwandle lamavinqo,

Isambulo 9:1

Isithunywa sesihlanu salukhalisa uphondo; ngabona inkanyezi ivela ezulwini, iwela emhlabeni, yanikwa ikhiye yomgodi ongelamkhawulo.