Isambulo 3:8 - iBhayibhili Elingcwele 1978

⁸ uthi: Ngiyayazi imisebenzi yakho; khangela, ngimisa phambi kwakho umnyango ovuliweyo, ongelakuvalwa muntu. Ngiyazi ukuthi ulamandla amancinyane, kanti uligcinile ilizwi lami, kawuliphikanga ibizo lami.

IBhayibhili Elingcwele LesiNdebele

⁸ Ngiyazazi izenzo zakho. Khangela phambi kwakho sengibeke umnyango okungelamuntu ongawuvala. Ngiyakwazi ukuthi ulamandla amancinyane, kodwa ilizwi lami uligcinile njalo ibizo lami kawuliphikanga.

Isambulo 3:8 ပူးပေါင်းရင်းမြစ်များ

Izaga 30:9

funa ngisuthe, ngikuphike ngithi: Ngubani iNkosi? Kodwa uba ngingumyanga, ngingeba, ngilone ibizo likaNkulunkulu wami.

UDanyeli 11:34

Ekubulaweni kwabo bazasizwa kancinyane, loba abanengi balabo abazihlanganisa labo bengelaqiniso.

ULukha 12:9

kodwa ongiphika phambi kwabantu uzakuphikwa phambi kwezithunywa zikaNkulunkulu.

UJohane 15:20

Khumbulani ilizwi engalitsho kini elokuthi: Inceku kayinkulu kulenkosi yayo. Uba bengizingele mina, bazakulizingela lani; uba belondoloza ilizwi lami, bazakulondoloza ilizwi lenu.

UJohane 17:6

Ngilibonakalisile ibizo lakho ebantwini onginike bona emhlabeni; babengabakho, wanginika bona; baligcinile ilizwi lakho.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

1 AbaseKhorinte 16:9

ngoba ngivulelwe umnyango omkhulu wethuba lokusebenza; labamelene lami banengi.

2 AbaseKhorinte 2:12

Ekufikeni kwami eTrowasi ukuba ngitshumayele ivangeli likaKristu, iNkosi yangenzela ithuba;

AbaseFiliphi 4:13

Ngingakwenza konke ngaye ongiqinisayo.

AbaseKholose 4:3

Lisikhulekele lathi ukuba uNkulunkulu asivulele ithuba lelizwi ukuba sitshumayele imfihlakalo kaKristu engibotshwe ngenxa yayo,

1 uTimothi 5:8

Uba umuntu engabondli abakibo, ikakhulu abendlu yakhe, ukulahlile ukukholwa, mubi kulongakholwayo.

2 uTimothi 4:7

Ngilwile ukulwa okuhle, ngiqedile ukuhamba kwami, ngikulondolozile ukukholwa.

UJuda 1:4

Ngoba sekungenile ngokunyenya abantu abathile abamiselwa lokhukulahlwa kudala, abantu abeyisa uNkulunkulu, abaphendula umusa kaNkulunkulu wethu ube ngamanyala, bephika uMbusi oyedwa leNkosi yethu uJesu Kristu.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 2:2

uthi: Ngiyayazi imisebenzi yakho, lemizamo yakho, lokubekezela kwakho, lokuthi kawulakubamela ababi, lokuthi ubahlolile labo abazitsho ukuthi bangabaphostoli, bona bengeyisibo, wabafumana beqamba amanga.

Isambulo 22:7

Khangela, ngiyeza masinyane. Ubusisiwe owagcinayo amazwi esiprofethi alotshiweyo kulincwadi.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

Isambulo 3:15

uthi: Ngiyayazi imisebenzi yakho ukuthi kawuqandi, futhi kawutshisi. Kungathi ngabe uyaqanda kumbe utshise!

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,