Isambulo 21:3 - iBhayibhili Elingcwele 1978

³ Ngezwa ilizwi elikhulu livela esihlalweni sobukhosi lisithi: Khangela, indawo yokuhlala uNkulunkulu isebantwini; uzakuhlala labo, bazakuba ngabantu bakhe, uNkulunkulu uqobo uzakuba labo,

IBhayibhili Elingcwele LesiNdebele

³ Ngezwa ilizwi elikhulu livela esihlalweni sobukhosi lisithi, “Khathesi ikhaya likaNkulunkulu selisebantwini, uzahlala labo. Bazakuba ngabantu bakhe njalo uNkulunkulu yena uqobo uzakuba labo abe nguNkulunkulu wabo.

Isambulo 21:3 ပူးပေါင်းရင်းမြစ်များ

1 AmaKhosi 8:27

Kambe uNkulunkulu uzahlala yini emhlabeni? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

2 ImiLando 6:18

Kambe uNkulunkulu uzahlala emhlabeni labantu na? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

U-Eksodasi 25:8

Kabangenzele indlu engcwele ukuba ngihlale phakathi kwabo.

U-Eksodasi 29:45

Ngizahlala phakathi kwabantu bakoIsrayeli, ngibe nguNkulunkulu wabo.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UJeremiya 32:38

Bazakuba ngabantu bami, lami ngibe nguNkulunkulu wabo.

UHezekhiyeli 37:27

Indawo yami yokuhlala izakuba kibo, ngibe nguNkulunkulu wabo, babe ngabantu bami.

UHezekhiyeli 43:7

wathi kimi: Ndoda, le yindawo yesihlalo sami sobukhosi lendawo yenyawo zami, lapho ngizahlala khona phakathi kwabantu bakoIsrayeli kokuphela. AbakoIsrayeli kabasayikungcolisa ibizo lami elingcwele, bona lamakhosi abo, ngokuwula kwabo langezidumbu zamakhosi abo,

UHezekhiyeli 48:35

Inxa zonke zomuzi zizakuba zingalo eziyizinkulungwane ezilitshumi laficaminwembili. Ibizo lomuzi kusukela nje lizakuthiwa. INkosi ilapho.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UZakhariya 8:8

ngibalethe ukuba bahlale phakathi kweJerusalema, babe ngabantu bami, lami ngibe nguNkulunkulu wabo ngeqiniso langokulunga.

AmaNani 9:16

Ngakho iyezi lalisibekela ithente sonke isikhathi, libonakale linjengomlilo ebusuku.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 14:23

UJesu wamphendula wathi: Uba umuntu engithanda, uzakulondoloza ilizwi lami; uBaba uzakumthanda yena; sizakuza kuye, sihlale laye.

2 AbaseKhorinte 6:16

Livumelana ngaphi ithempeli likaNkulunkulu lezithombe na? Ngoba thina silithempeli likaNkulunkulu ophilayo, njengokutsho kwakhe ukuthi: Ngizakuhlala labo, ngihambe phakathi kwabo; ngizakuba nguNkulunkulu wabo, bona babe ngabantu bami.

2 AbaseKhorinte 6:18

Ngizakuba nguYihlo wenu, lina libe ngamadodana lamadodakazi ami, kutsho iNkosi uSomandla.

1 AbaseThesalonika 3:11

Kungathi uNkulunkulu loBaba uqobo leNkosi yethu uJesu angayiqondisa indlela yethu yokuza kini;

AmaHebheru 11:16

kodwake bafisa ilizwe elihle kulalelo okutsho elasezulwini. Ngakhoke uNkulunkulu kalanhloni ngokuthiwa nguNkulunkulu wabo, ngoba ubalungisele umuzi.

AmaHebheru 8:10

Yilesi isivumelwano engizakusenza lendlu kaIsrayeli emva kwalezonsuku, itsho iNkosi; ngizakufaka imilayo yami engqondweni zabo, ngiyilobe enhliziyweni zabo, ngibe nguNkulunkulu wabo, bona babe ngabantu bami.

AmaHebheru 8:2

isikhonzi endaweni engcwele lesethente eliqotho elamiswa yiNkosi kungesuye umuntu.

Isambulo 10:4

Kwathi imidumo eyisikhombisa isizwakele, ngasengizakuloba; kodwa ngezwa ilizwi livela ezulwini lisithi: Kwenze imfihlo okukhulunywe yimidumo eyisikhombisa, ungakulobi.

Isambulo 10:8

Ilizwi engalizwa livela ezulwini lakhuluma lami futhi lathi: Hamba uyethatha incwadi evulekileyo esesandleni sesithunywa esimi phezu kolwandle laphezu komhlabathi.

Isambulo 12:10

Ngasengisizwa ilizwi elikhulu ezulwini lisithi: Khathesi ukunqoba lamandla lobukhosi ngokukaNkulunkulu wethu, lokubusa kukaKristu wakhe, sekufikile; ngoba uphoselwe phansi ummangaleli wabazalwane bethu obamangalelayo emini lebusuku phambi kukaNkulunkulu.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.

Isambulo 22:3

Kakusayikuba khona lokukodwa okuqalekisiweyo. Isihlalo sobukhosi sikaNkulunkulu leseWundlu zizakuba kuwo, lezinceku zakhe zizakumdumisa,

Isambulo 7:15

Ngakhoke baphambi kwesihlalo sobukhosi sikaNkulunkulu bemkhonza emini lebusuku ethempelini lakhe, lohleziyo esihlalweni sobukhosi uzakuhlala labo.