Isambulo 20:9 - iBhayibhili Elingcwele 1978

⁹ Zaphumela emhlabeni wonke, zeza zazingelezela umuzi wabangcwele lomuzi othandekayo. Kodwa umlilo ovela ezulwini, waziqothula zonke;

IBhayibhili Elingcwele LesiNdebele

⁹ Badabula phakathi komhlaba bahonqolozela izihonqo zabantu bakaNkulunkulu, idolobho alithandayo. Kodwa kwehla umlilo uvela ezulwini wabaqothula.

Isambulo 20:9 ပူးပေါင်းရင်းမြစ်များ

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

2 AmaKhosi 6:15

Kwathi inceku yomuntu kaNkulunkulu isivukile ekuseni kakhulu yaphumela ngaphandle, yabona impi lamabhiza lenqola zokulwa kuzingelezele umuzi. Yathi: Maye, nkosi yami! Sizakwenza njani na?

UJobe 38:18

Ubuqedisisile ububanzi bomhlaba na? Tshono uba ukwazi konke lokhu.

AmaHubo 106:18

Kwavutha lomlilo eqembini labo, lelangabi laqothula abangalunganga.

AmaHubo 87:2

INkosi iyawathanda amasango eZiyone kulayo yonke imizi kaJakobe.

AmaHubo 97:3

Umlilo uyavutha phambi kwayo, utshise izitha zayo inxa zonke.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

UHezekhiyeli 38:9

Uzaqhubeka, uze njengesiphepha, ube njengeyezi elisibekele umhlaba, wena lawo wonke amaxuku akho, abantu abanengi belawe.

UHezekhiyeli 39:6

Ngizathumela umlilo kuMagogi lakulabo abahlala ngokulondolozeka emazweni angasolwandle. Bazakwazi ukuba ngiyiNkosi.

UMikha 2:13

Umkhokheli wabo uzabavulela indlela, bonke bazafohla, bafike esangweni, baphume ngalo. Inkosi yabo izahamba phambi kwabo, bekhokhelwa yiyo.

UHabhakhukhi 1:6

Ngoba, khangelani, ngivusa amaKaladiya, isizwe esilesihluku lesilamandla, esidabula emhlabeni wonke ukuyathumba indawo zokuhlala ezingeyisizo ezaso.

AmaNani 11:1

Abantu basebesola eNkosini ngenxa yobunzima babo. INkosi isikuzwile yathukuthela, lomlilo wayo wavutha phakathi kwabo, waqothula abanye abasemkhawulweni wezihonqo.

AmaNani 16:35

Kwavela eNkosini umlilo, waqothula labobantu abangamakhulu amabili lamatshumi amahlanu ababenikele ngempepha.

ULukha 17:29

kodwa ngosuku uLoti aphuma ngalo eSodoma lana umlilo ovela ezulwini, wababhubhisa bonke.

ULukha 19:43

Ngoba uzakwehlelwa zinsuku, lapho izitha zakho zizakwakhela umthangala, zikuzingelezele, zikuvimbele inxa zonke,

ULukha 21:20

Nxa libona iJerusalema lihanqwe yizimpi, yazini ukuthi sekusondele ukuchitheka kwalo.

ULukha 9:54

Kwathi abafundi bakhe uJakobe loJohane bekubona lokhu, bathi: Nkosi, uyathanda ukuba sibize umlilo wehle ezulwini, ubaqothule na?

UDutheronomi 23:14

Ngoba iNkosi uNkulunkulu wenu iyahamba phakathi kwezihonqo zenu, ukuba ililondoloze, inikele izitha zenu kini. Ngakhoke izihonqo zenu kazibe ngcwele, ukuba ingaboni lutho olungahlambulukanga phakathi kwenu, ilifulathele.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

AmaHebheru 13:13

Ngakhoke asiphumele kuye ngaphandle komuzi, sithwale ihlazo lakhe.

Isambulo 11:5

Uba kukhona ofuna ukubalimaza laba, kuphuma umlilo emilonyeni yabo, uqothule izitha zabo; uzakufa ngokunjalo ofisa ukubalimaza.

Isambulo 13:13

Senza izibonakaliso ezinkulu, saze senza lomlilo ophuma ezulwini, wehlele emhlabeni phambi kwabantu.