Isambulo 14:20 - iBhayibhili Elingcwele 1978

²⁰ Isikhamelo sanyathelwa ngaphandle komuzi; kwaphuma igazi esikhamelweni, lakhula laze lafika ematomini amabhiza, lahamba amakhilomitha angamakhulu amathathu.

IBhayibhili Elingcwele LesiNdebele

²⁰ Avoxwa phakathi kwesikhamelo sewayini ngaphandle kwedolobho, igazi lageleza liphuma esikhamelweni, laphakama okufika ematomini ebhiza okwebanga elingaba ngamakhilomitha angamakhulu amathathu (300).

Isambulo 14:20 ပူးပေါင်းရင်းမြစ်များ

UGenesisi 49:11

Ubophela ithole lakhe likababhemi evinini, lethole lakhe likababhemikazi evinini elihle. Ugezisa ingubo zakhe ewayinini, lezambatho zakhe egazini lezithelo zevini.

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

Izililo 1:15

INkosi yeyisile wonke amaqhawe ami phakathi kwami, yaletha impi ukubulala insizwa zami. INkosi inyathele uJuda njengasesikhamelweni sewayini.

UHezekhiyeli 32:6

Ilizwe lizagcwala igazi lakho eligelezayo, lize lifike ezintabeni, lezifudlana zonke zigcwale lona.

UJoweli 3:13

Fakani isikela, ngoba okuvunwayo sekuvuthiwe. Ngenani linyathele izithelo zevini, ngoba isikhamelo sewayini sesigcwele, lamafatshi asephuphuma, sebubukhulu kangaka ububi bezizwe.

UDutheronomi 32:14

lezankefu zezinkomo, lochago lwezimbuzi, kanye lamafutha amawundlu lawezinqama, inkomo zaseBashani lezimbuzi, lamabele amahle; wanatha iwayini, igazi lezithelo zesivini.

Isambulo 11:8

Lezidumbu zabo zizakusala zidindilizile emigwaqweni yomuzi omkhulu othiwa ngokomoya iSodoma leGibithe, lapho iNkosi yabo yabethelwa khona.