Isambulo 13:7 - iBhayibhili Elingcwele 1978

⁷ Sanikwa futhi ukuba silwe labangcwele, sibahlule; sanikwa lamandla phezu kwemihlobo yonke, labantu, lezindimi, lezizwe.

IBhayibhili Elingcwele LesiNdebele

⁷ Sasiphiwe amandla okulwa impi labangcwele kanye lokubanqoba. Saphiwa lamandla phezu kwezizwana zonke labantu lezindimi kanye lezizwe zonke.

Isambulo 13:7 ပူးပေါင်းရင်းမြစ်များ

U-Eksodasi 9:16

Kodwa ngikusilisile ukuba ngikutshengise amandla ami lokuba ibizo lami litshunyayelwe emhlabeni wonke.

U-Isaya 10:15

Ihloka lizazikhukhumeza kuye ogamulayo ngalo yini, lesaha izikhulise kuye osika ngayo na? Njengokungathi induku inyikinya lowo oyiphakamisayo, lodondolo lumphakamise yena ongesiso isigodo.

U-Isaya 37:26

Kawuzwanga yini ukuthi lokhu ngakumisa endulo na? Ngakumisa ensukwini zasendulo lokho esengikwenza lamhla, ukuba udilize imizi ebiyelweyo ibe ngamanxiwa.

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UDanyeli 12:1

Ngalesosikhathi kuzavela uMikayeli, umbusi omkhulu olinda abantu bakini. Kuzakuba khona isikhathi sokuhlupheka esingazanga sibe khona kusukela ekuqaleni kwezizwe kuze kube ngalesosikhathi. Kodwa ngalesosikhathi bazakhululwa abantu bakini, bonke abalotshiweyo ogwalweni.

UDanyeli 7:21

Ngisakhangele, loluphondo lwalwa labangcwele, lwabanqoba,

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

ULukha 4:6

wathi kuye: Amandla wonke la kanye lobukhosi bawo ngizakukunika ngoba anikwe mina, lami ngiwanika loba ngubani ngokuthanda kwami.

UJohane 19:11

UJesu wamphendula wathi: Ungebe lawo amandla phezu kwami, uba ungawanikwanga ngaphezulu. Ngakhoke onginikele kuwe ulesono esikhulu.

Isambulo 10:11

Kwasekuthiwa kimi: Kumele ukuba uphinde utshumayele ngabantu abanengi, langezizwe, langezindimi, langamakhosi.

Isambulo 11:18

Izizwe zathukuthela, kodwa lwafika ulaka lwakho. Ngakhoke sekuyisikhathi sokuthonisiswa kwabafileyo; sekuyisikhathi sokunikwa komvuzo ezincekwini abaprofethi, lasebantwini bakho abangcwele abahlonipha ibizo lakho, abakhulu labancinyane, isikhathi sokubhujiswa kwababhubhisa umhlaba.

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

Isambulo 12:17

Umgobho wamthukuthelela owesifazana, wasuka wayakulwa labaseleyo benzalo yakhe, labo abagcina imilayo kaNkulunkulu labafakazela uJesu.

Isambulo 17:15

Sasesisithi kimi: Amanzi owabonileyo, lapho sihlezi khona isiphingi, angabantu lamaxuku lezizwe lezindimi.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;