Isambulo 10:5 - iBhayibhili Elingcwele 1978

⁵ Isithunywa engasibona simi phezu kolwandle laphezu komhlabathi saphakamisela isandla saso sokunene ezulwini,

IBhayibhili Elingcwele LesiNdebele

⁵ Ingilosi engangiyibone imi olwandle lasemhlabathini yaphakamisela isandla sayo sokunene ezulwini.

Isambulo 10:5 ပူးပေါင်းရင်းမြစ်များ

UGenesisi 14:22

UAbrama wathi enkosini yaseSodoma: Ngiyafunga eNkosini uNkulunkulu oPhezukonke, uMdali wezulu lomhlaba,

UNehemiya 9:6

Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

AmaHubo 146:5

Ubusisiwe yena omsizi wakhe unguNkulunkulu kaJakobe, othemba lakhe liseNkosini uNkulunkulu wakhe,

U-Eksodasi 20:11

Ngoba ngensuku eziyisithupha iNkosi yenza izulu lomhlaba lolwandle lakho konke okukukho, yaphumula ngosuku lwesikhombisa; ngalokhu iNkosi yalubusisa usuku lwesikhombisa, yalwenza lwaba ngcwele.

U-Eksodasi 6:8

ngizalingenisa elizweni engalithembisa lona ngesifungo ukulinika uAbrahama loIsaka loJakobe, ngilinike lona libe ngelenu; ngiyiNkosi.

UHezekhiyeli 20:15

Futhi ngafunga kibo enkangala ukuba kangiyikubaletha elizweni engangilinike bona, ilizwe eligcwele uchago lenyosi, ilizwe elihle kulawo wonke amazwe,

UHezekhiyeli 20:23

Ngafunga kibo futhi enkangala ukuthi ngizabachithachitha phakathi kwezizwe, ngibahlakazele emazweni wonke,

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 20:42

Lizakwazi ukuba ngiyiNkosi lapho sengilibuyise elizweni lakoIsrayeli, ilizwe engafunga ukulinika okhokho benu.

UHezekhiyeli 20:5

uthi kibo: INkosi uNkulunkulu ithi: Ngosuku engakhetha ngalo abakoIsrayeli, ngafunga kuyo inzalo kaJakobe, ngazibonakalisa kibo elizweni laseGibithe, ngafunga kibo ngathi: Mina ngiyiNkosi uNkulunkulu wenu.

UHezekhiyeli 36:7

Ngalokhoke iNkosi uNkulunkulu ithi: Ngiyazifunga ukuthi izizwe ezilihanqileyo yizo ezizathwala ihlazo.

UHezekhiyeli 47:14

Lizalahlukanisa ngokulinganayo; ngafunga ukulinika okhokho benu, lelilizwe lizakuba ngelenu.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

Imisebenzi 14:15

Madoda, likwenzelani lokhu na? Lathi singabantu abanjengani ngokwemvelo, sililethele ivangeli ukuze liphenduke kulokho okuyize, liphendukele kuNkulunkulu ophilayo owenza izulu lomhlaba, lolwandle, lakho konke okukukho,

Imisebenzi 17:23

Ngoba ngithe ngihamba ngikhangela izinto elikhonza ngazo, ngafumana ialtare elilotshwe ukuthi: NGELIKANKULUNKULU ONGAZIWAYO. Lokho elikukhonza lingakwazi, yikho engikutshumayela kini.

AbaseRoma 1:20

Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela;

UDutheronomi 32:40

Ngoba ngiphakamisela isandla sami ezulwini, ngifunge ngithi: Njengoba ngiphila kokuphela,

AmaHebheru 6:13

Lapho uNkulunkulu ethembisa uAbrahama, wazifunga yena, ngoba kungekho omkhulu kulaye angamfunga.

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Isambulo 10:2

Sasiphethe esandleni saso incwadi encinyane evulekileyo. Samisa unyawo lwaso lokunene phezu kolwandle, lonyawo lwaso lwekhohlo phezu komhlabathi.

Isambulo 14:7

Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

Isambulo 16:17

Isithunywa sesikhombisa sathululela emoyeni okusemganwini waso; kwezwakala ilizwi elikhulu livela ethempelini esihlalweni sobukhosi lisithi: Sekwenzekile!

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,