Ingoma 5:7 - iBhayibhili Elingcwele 1978

⁷ Ngaficwa ngabalindi ekubhodeni kwabo umuzi, bangitshaya bangilimaza, bangithathela ijazi lami labobalindi bemiduli yomuzi.

IBhayibhili Elingcwele LesiNdebele

⁷ Abalindi bangibona ngesikhathi bebhodabhoda, behlola idolobho. Bangitshaya bangilimaza; bangihlubula bathatha ibhatshi lami, labobalindi bemiduli!

Ingoma 5:7 ပူးပေါင်းရင်းမြစ်များ

AmaHubo 141:5

Olungileyo kangitshaye, kuzakuba ngumusa kimi; kodwa ikhanda lami kaliyikugcotshwa ngamagcobo ababi. Umkhuleko wami umelana lezenzo zabo ezimbi.

Ingoma 3:3

Abalindi bangifica ekunqumeni kwabo lomuzi, ngababuza ngathi: Limbonile othandwa yinhliziyo yami na?

Ingoma 5:6

Ngasivulela isithandwa sami, kodwa sasitshibilike sahamba. Ngaphelelwa ngamandla ngokunyamalala kwaso. Ngasidinga, kodwa kangisifumananga, ngasibiza, kodwa kasingiphendulanga.

Ingoma 5:8

Ngiyalifungisa, lina madodakazi aseJerusalema, uba lifumanisa othandekayo wami limtshele ukuthi ngiyafa luthando.

Ingoma 8:11

USolomoni wayelesivini eBali‐Hamoni, wasesinikela isivini kubalindi, bonke babezakuhlawulela izithelo zaso inhlamvu zesiliva eziyinkulungwane.

U-Isaya 3:23

lezibuko, lezigqoko ezinhle, lamaqhele, lamaveli.

U-Isaya 62:6

Ngibekile abalindi phezu kwemithangala yakho, wena Jerusalema; kabayikuthula lakanye emini lasebusuku. Lina elingabakhumbuzi beNkosi lingaphumuli,

UHosiya 6:5

Ngakhoke ngilitshayile ngabaprofethi, ngalibulala ngamazwi omlomo wami, lokwahlulela kwami kusobala njengokukhanya.

UMatewu 23:2

wathi: Ababhali labaFarisi bahlezi esihlalweni sikaMose.

ULukha 6:22

Libusisiwe, nxa abantu belizonda lanxa belixotshela ngaphandle, belithuka, belidela ibizo lenu ngokungathi libi ngenxa yeNdodana yomuntu.

UJohane 16:2

Bazakulikhupha emasinagogeni, yebo, isikhathi siyeza lapho olibulalayo ezakuthi ukhonza uNkulunkulu.

2 AbaseKhorinte 11:13

Ngakho abanje bangabaphostoli bamanga, izisebenzi ezikhohlisayo ezizitshaya abaphostoli bakaKristu.

AbaseFiliphi 3:6

ngokokukhuthala ngazingela ibandla; ngokulunga okusemlayweni ngingongasolekiyo.

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.