Ingoma 5:2 - iBhayibhili Elingcwele 1978

² Ngiyalala, kodwa inhliziyo yami iphapheme. Nanso isithandwa sami siqoqoda emnyango, sisithi: Ngivulela, dadewethu lesithandwa sami, juba lami, opheleleyo wami, ngoba ikhanda lami limanzi ngamazolo, lenwele zami ngamathonsi ebusuku.

IBhayibhili Elingcwele LesiNdebele

² Ngalala kodwa inhliziyo yami ivukile. Zwana! Isithandwa sami siyaqoqoda: “Ngivulela, dadewethu, sithandwa sami, juba lami, wena ongelasiyinga. Ikhanda lami ligcwele amazolo, inwele zami zilobumanzi bobusuku.”

Ingoma 5:2 ပူးပေါင်းရင်းမြစ်များ

UGenesisi 29:20

UJakobe wasemsebenzela iminyaka eyisikhombisa uRaheli; kuye yaba kungathi zinsuku ezilutshwana nje ngenxa yokumthanda kwakhe.

AmaHubo 119:1

Babusisiwe abandlela zabo ziqotho, abahamba ngomlayo weNkosi.

AmaHubo 81:10

Mina ngiyiNkosi, uNkulunkulu wenu, owalikhupha elizweni laseGibithe. Khamisani imilomo yenu, ngizakuyigcwalisa.

Izaga 23:26

Mntanami, ungilalele, uzigcine uzilandele indlela zami.

Ingoma 1:16

Khangela, umuhle wena, sithandwa sami, impela uyabukeka. Utshani obuluhlaza bulicansi lethu.

Ingoma 2:10

Isithandwa sami siyakhuluma sithi kimi: Vuka, sithandwa sami, wena omuhle, woza, sihambe.

Ingoma 2:14

Wena juba lami, elisengoxweni yedwala lasekusithekeni kweliwa akengibone ubuso bakho, ngizwe ilizwi lakho, ngoba lihle, lobuso bakho buyabukeka.

Ingoma 2:8

Zwanini, isithandwa sami nansiyana siyeza! Siyeqa phezu kwezintaba, siqolotsha emaqaqeni.

Ingoma 3:1

Embhedeni wami ubusuku ngobusuku ngiphupha ngimdinga lowo othandwa yinhliziyo yami; ngamdinga, kodwa kangaze ngamfica.

Ingoma 4:7

Umuhle ngokupheleleyo, wena sithandwa sami, kakukho sici kuwe.

Ingoma 4:9

Ungamukile inhliziyo yami, dadewethu lomlobokazi wami, ungamukile inhliziyo yami ngokungithi jeqe ngelihlo lakho, langelilodwa lamangqongqo akho.

Ingoma 5:11

Ikhanda laso linjengegolide elihle impela, inwele zaso zinde ziyibulunga, zimnyama njengewabayi.

Ingoma 5:6

Ngasivulela isithandwa sami, kodwa sasitshibilike sahamba. Ngaphelelwa ngamandla ngokunyamalala kwaso. Ngasidinga, kodwa kangisifumananga, ngasibiza, kodwa kasingiphendulanga.

Ingoma 6:9

kodwa ijuba lami, opheleleyo wami munye nje kuphela, nguye yedwa kunina, ongokhethiweyo wakhe owamzalayo. Intombi zambona zathi ubusisiwe, amakhosikazi labanye abafazi labo bayambabaza.

Ingoma 7:9

lomlomo wakho ube njengewayini elihle. Lihle kusithandwa sami, litshelela ezindebeni lasemazinyweni.

Ingoma 8:7

Amanzi amanengi kawalakulucima uthando, lezimpophoma kazilakulukhukhula. Uba umuntu ebezakunika impahla yonke yendlu yakhe eyenana ngothando, ibizakwaliwa.

U-Isaya 50:6

Ngambulela umhlane wami ukutshwaya, ngavumela indevu zami ukucuthwa; kangisithelisanga ubuso bami ehlazweni lokukhafulwa ngamathe.

U-Isaya 52:14

Abanengi batshaqeka lapho beyibona; yayilimele kakhulu ubuso bungasakhangeleki njengobomuntu, lesimo singasabukeki njengesabantu.

UDanyeli 8:18

Kwathi esakhuluma lami, ngaqaleka ngawela phansi; kodwa wangithinta, wasengiphakamisa engimisa ngenyawo.

UZakhariya 4:1

Isithunywa esasikhuluma lami sabuya futhi, sangivusa njengomuntu ovuswa ebuthongweni.

UMatewu 7:8

Ngoba ilowo lalowo ocelayo uyamukela, lofunayo uyafumana, loqoqodayo uyavulelwa.

UMatewu 8:17

ukuba kugcwaliseke okwakhulunywa nguIsaya umprofethi kokuthi: Yena wathatha imikhuhlane yethu, wazithwala izifo zethu.

UMakho 1:35

Ekuseni kusesemnyama kakhulu, wavuka waphuma, waya endaweni eyinkangala, wakhuleka khona.

ULukha 22:44

Esosizini olunzima wakhuleka kakhulu, izithukuthuku zakhe zaba njengamathonsi egazi, athontela emhlabathini.

ULukha 6:12

Kwathi ngalezonsuku waphuma waya entabeni ukuyakhuleka; wahlala ubusuku bonke ekhuleka kuNkulunkulu.

ULukha 9:32

UPetro lababelaye babebanjwe yibuthongo; kodwa sebephapheme babona inkazimulo yakhe lamadoda amabili ayemi laye.

UJohane 10:4

Nxa esezikhuphile zonke ezakhe, uhamba phambi kwazo, izimvu zimlandele, ngoba ziyalazi ilizwi lakhe.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

Abase-Efesu 5:14

Ngakhoke kuthiwa: Phaphama wena oleleyo, uvuke kwabafileyo, uKristu uzakukukhanyisela.

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

Isambulo 3:20

Khangela, ngimi ngasemnyango ngiqoqoda; uba umuntu esizwa ilizwi lami, avule umnyango, ngizakungena ngidle laye, laye adle lami.

Isambulo 3:4

Kodwake basekhona abantu abayingcosana eSardisi abangangcolisanga ingubo zabo; bazakuhamba lami bembethe okumhlophe, ngoba bafanele.