Ingoma 2:8 - iBhayibhili Elingcwele 1978

⁸ Zwanini, isithandwa sami nansiyana siyeza! Siyeqa phezu kwezintaba, siqolotsha emaqaqeni.

IBhayibhili Elingcwele LesiNdebele

⁸ Zwanini! Yisithandwa sami! Khangelani! Nansi siyeza, siseqa ezintabeni siqolotsha emaqaqeni.

Ingoma 2:8 ပူးပေါင်းရင်းမြစ်များ

2 USamuyeli 6:16

Kwathi lapho umtshokotsho weNkosi ungena emzini kaDavida, uMikhali indodakazi kaSawuli walunguza ngewindi, wabona inkosi uDavida egiya, esina phambi kweNkosi, wayeyisa enhliziyweni yakhe.

Ingoma 2:17

Emadabukakusa kusapholile, kusesemnyama. phenduka, wena sithandwa sami, uziveze njengempala lanjengegogo phezu kwezintaba ezimakhelekethe.

Ingoma 4:16

Vuka, wena moya wasenyakatho, uze lawe, moya waseningizimu, uphephethe esivandeni sami ukuba iphunga laso ligcwale emoyeni. Kasize isithandwa sami esivandeni sami, sidle izithelo zaso ezinhle.

Ingoma 5:2

Ngiyalala, kodwa inhliziyo yami iphapheme. Nanso isithandwa sami siqoqoda emnyango, sisithi: Ngivulela, dadewethu lesithandwa sami, juba lami, opheleleyo wami, ngoba ikhanda lami limanzi ngamazolo, lenwele zami ngamathonsi ebusuku.

U-Isaya 35:6

abaqhulayo besebeseqa njengempala, lolimi lwezimungulu lumemeze ngokuthokoza. Ngoba amanzi azagobhoza enkangala, lemifula egeleze endaweni elugwadule;

U-Isaya 44:23

Thokozani, lina mazulu, iNkosi ikwenzile; lijabule, lina zindawo ezizikileyo zomhlaba; lihlabele, lina zintaba, lawe gusu lazo zonke izihlahla ezikuwe. Ngoba iNkosi isimhlengile uJakobe, izakudunyiswa koIsrayeli.

U-Isaya 52:7

Zinhle kangaka phezu kwezintaba inyawo zesigijimi esiletha izindaba ezinhle ezokuthula, esimemezela ukukhululwa, esithi kulo iZiyone: UNkulunkulu wakho uyabusa.

UJeremiya 48:27

UIsrayeli kabanga yinhlekisa kuwe na? Wafunyanwa phakathi kwamasela yini ukuba lapho ukhuluma ngaye, unikine ikhanda lakho na?

ULukha 6:23

Thokozani ngalolosuku, leqe ngokuthokoza; ngoba khangelani, umvuzo wenu mkhulu ezulwini; ngoba okhokho babo babesenza njalo kubaprofethi.

UJohane 10:27

Izimvu zami ziyalizwa elami ilizwi; lami ngiyazazi, ziyangilandela;

UJohane 3:29

Olomlobokazi ungumyeni, kodwa isinini somyeni esimiyo simuzwa, sithokoza kakhulu ngelizwi lomyeni. Ngakhoke lintokozo yami isiphelele.

Imisebenzi 14:10

wathi ngelizwi elikhulu: Sukuma, ume ngenyawo zakho. Yasukuma yathi lothu, yahamba.

Imisebenzi 3:8

wasukuma wathi lothu, wema, waqala ukuhamba, wangena labo ethempelini, ehamba, eseqa, edumisa uNkulunkulu.

Isambulo 3:20

Khangela, ngimi ngasemnyango ngiqoqoda; uba umuntu esizwa ilizwi lami, avule umnyango, ngizakungena ngidle laye, laye adle lami.