Imisebenzi 7:52 - iBhayibhili Elingcwele 1978

⁵² Nguwuphi owabaprofethi okhokho benu abangamzingelanga na? Bababulala labo abamemezela ngaphambili ukuza koLungileyo, eselimnikele lambulala,

IBhayibhili Elingcwele LesiNdebele

⁵² Kambe kwake kwabakhona umphrofethi oyihlo abangazange bamhlukuluze na? Baze bababulala lalabo abaphrofetha ngokuza koLungileyo. Khathesi selimnikele lambulala,

Imisebenzi 7:52 ပူးပေါင်းရင်းမြစ်များ

1 AmaKhosi 19:10

Wathi: Bengikutshisekela kakhulu, wena Nkosi, uNkulunkulu wamabandla, ngoba abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.

1 AmaKhosi 19:14

Wathi: Bengikutshisekela kakhulu, wena Nkosi, uNkulunkulu wamabandla, kodwa abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.

2 ImiLando 36:15

INkosi, uNkulunkulu wabokhokho babo, yabathumela futhifuthi izithunywa zayo, ngoba yayilesihawu ngabantu bayo langendawo yayo yokuhlala.

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

UJeremiya 2:30

Kwaba yize ukubatshaya kwami abantwana benu, kabakwamukelanga ukulaywa. Umkhonto wenu ubadlile abaprofethi bakho njengesilwane esichithayo.

UJeremiya 20:2

UPashuri wamtshaya uJeremiya umprofethi, wamfaka esitokisini esiseSangweni lakoBenjamini elingaphezulu, ekungeneni kwethempeli.

UJeremiya 26:15

Kodwa lazi isibili ukuthi uba lingibulala, lizakwehlisela igazi elingelacala phezu kwenu laphezu kwalumuzi labakhileyo kiwo, ngoba impela iNkosi yangithuma ukukhuluma lamazwi kini.

UJeremiya 26:23

bamthatha uUriya eGibithe, bamletha enkosini uJehoyakimi, owambulalayo, lesidumbu sakhe wasiphosela endaweni yokungcwabela abantukazana.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UMatewu 5:12

Thokozani, lithabe kakhulu, ngoba umvuzo wenu mkhulu ezulwini; ngoba ngokunjalo babazingela abaprofethi abalandulelayo.

ULukha 6:23

Thokozani ngalolosuku, leqe ngokuthokoza; ngoba khangelani, umvuzo wenu mkhulu ezulwini; ngoba okhokho babo babesenza njalo kubaprofethi.

UJohane 16:10

ngokulunga, ngoba ngiya kuBaba, kalisayikungibona futhi;

Imisebenzi 2:23

yena lo, esenikelwe ngecebo elimisiweyo langokwazi okuphambili kukaNkulunkulu, lambethela lina ngezandla zabangelamthetho, lambulala;

Imisebenzi 22:14

Wasesithi: UNkulunkulu wabokhokho ukumisile ukuba uyazi intando yakhe, lokuba ubone oLungileyo, uzwe ilizwi eliphuma emlonyeni wakhe,

Imisebenzi 3:18

Kodwa lokho uNkulunkulu akukhuluma ngaphambili ngomlomo wabaprofethi bonke ukuthi uKristu wakhe uzakuhlupheka, ukwenze kwagcwaliseka.

Imisebenzi 3:24

Yebo, labaprofethi bonke, kusukela kuSamuweli labalandelayo, bonke batshumayela ngalezinsuku.

Imisebenzi 4:10

yazini lonke kanye laso sonke isizwe sakoIsrayeli ukuthi ngebizo likaJesu Kristu waseNazaretha elambethelayo, amvusayo kwabafileyo uNkulunkulu, ngaye lumuntu umi phambi kwenu esesilile.

1 AbaseThesalonika 2:15

ababulala leNkosi uJesu labaprofethi, basixotsha lathi. Kabamthokozisi uNkulunkulu, bamelana labantu bonke,

2 uTimothi 3:4

labanikela abanye, labalamawala, labagcwele ukuzikhukhumeza, labathanda ukuzithokozisa kulokuthanda uNkulunkulu,

1 UPhethro 1:11

Babuza ukuthi yisiphi lokuba sinjani isikhathi esikhonjwa nguMoya kaKristu owayekibo, etshengisa ngaphambili izinhlupheko eziqondene loKristu lobukhosi obuzakuzilandela.

1 UJohane 2:1

Bantwana bami, ngililobela lokhu ukuba lingoni; kodwa uba umuntu esona, siloMmeli kuBaba, uJesu Kristu olungileyo.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,