Imisebenzi 7:51 - iBhayibhili Elingcwele 1978

⁵¹ Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

IBhayibhili Elingcwele LesiNdebele

⁵¹ Lina ziqholo zabantu, abanhliziyo lezindlebe ezingasokanga! Lifuze oyihlo: Lihlezi lijamelene loMoya oNgcwele!

Imisebenzi 7:51 ပူးပေါင်းရင်းမြစ်များ

2 AmaKhosi 17:14

Kodwa kabalalelanga, baba lenkani njengokhokho babo abangayithembanga iNkosi uNkulunkulu wabo.

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

UNehemiya 9:16

Kodwa okhokho bazikhukhumeza, baba lenkani, kabayilalelanga imilayo yakho.

UNehemiya 9:30

Wababekezelela iminyaka eminengi, wabaxwayisa ngomoya wakho ngabaprofethi bakho; kodwa kabalalelanga. Ngakhoke wabanikela ebantwini bezizwe.

AmaHubo 75:5

lingaphongeli, lizikhukhumeze.

AmaHubo 78:8

bangabi njengokhokho babo, ababeyisizukulwana esimakhanda alukhuni lesilenkani, isizukulwana esinhliziyo engaqinanga, lesimoya waso wawungathembekanga kuNkulunkulu.

U-Eksodasi 32:9

INkosi yathi kuMose: Sengibabonile lababantu ukuthi bangabantu abanhliziyo zilukhuni;

U-Eksodasi 33:3

Uye elizweni eligcwele uchago lenyosi; kodwa kangiyikuhamba lani funa ngiliqede endleleni, ngoba lingabantu abanhliziyo zilukhuni.

U-Eksodasi 33:5

ngoba iNkosi yathi kuMose: Tshono ebantwini bakoIsrayeli uthi: Lingabantu abanhliziyo zilukhuni; uba ngihamba lani okwesikhathi nje, ngizaliqeda. Ngakhoke khuphani izigqizo zenu ukuba ngibone ukuthi ngizakwenzani kini.

U-Eksodasi 34:9

Wathi: Uba ngifumene umusa emehlweni akho, Nkosi, ake uhambe phakathi kwethu, lanxa lababantu bengabanhliziyo zilukhuni, usithethelele ububi bethu lokona kwethu, usithathe sibe yilifa lakho.

U-Isaya 48:4

Ngoba ngiyazi ukuthi ulenkani, lentamo yakho injengensimbi, lebunzi lakho linjengethusi,

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

UJeremiya 17:23

Kanti kabezwanga, kabalalelanga; baba lenkani kabaze bezwa, belaywa.

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

UJeremiya 6:10

Ngizakhuluma lobani ngimxwayise ukuba bezwe na? Indlebe zabo zivalekile, kabalakulalela; ilizwi leNkosi liyinhlekisa kibo, kalibathokozisi.

UHezekhiyeli 2:4

Lalesisizukulwana engikuthuma kiso silukhuni, kasizwa lapho usithi kiso: Nanka amazwi eNkosi uNkulunkulu;

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

UHezekhiyeli 44:9

Ngalokho iNkosi uNkulunkulu ithi: Kakulamuntu wezizwe ongasokanga enhliziyweni lenyameni kubo bonke abezizwe abaphakathi kwabakoIsrayeli ozangena endlini yami engcwele.

ULevi 26:41

Lami ngizahamba ngokuphambene labo, ngibase elizweni lezitha zabo; ng’khona inhliziyo zabo ezingcolileyo zizakuzithoba, bavume ukutshaywa ngenxa yobubi babo.

AmaNani 27:14

ngoba kalilalelanga ilizwi lami enkangala yaseZini lapho ibandla liphikisana lami, kalingivezanga ngingcwele emehlweni abantu — La ngamanzi aseMeriba laseKadeshi enkangala yaseZini —

Imisebenzi 6:10

kodwa babengelamandla okumelana lokuhlakanipha loMoya ayekhuluma ngawo.

Imisebenzi 7:27

Kodwa lowo owayemona umakhelwana wakhe wamsunduza esithi: Ubekwe ngubani ukuba ube ngumbusi lomthonisisi phezu kwethu na?

Imisebenzi 7:35

UMose lo abamalayo besithi: Ubekwe ngubani ukuba ube ngumbusi lomthonisi na? — nguye uNkulunkulu amthumayo ngesandla sesithunywa esabonakala kuye esihlahleni, ukuba abe ngumbusi lomkhululi.

Imisebenzi 7:39

Okhokho kabavumanga ukumlalela, kodwa bamsunduzela eceleni, babuyela eGibithe ngenhliziyo zabo,

Imisebenzi 7:9

Okhokho babelomona ngoJosefa, bamthengisa eGibithe; kodwa uNkulunkulu wayelaye,

AbaseRoma 2:25

Ukusoka kambe kuyasiza uba ugcina umlayo; kodwa uba uweqa umlayo, ukusoka kwakho kuphenduka ukungasoki.

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 31:27

Ngoba ngiyazi ukuthi lingabaxhwalayo, lenhliziyo zenu zilukhuni; lanxa ngisekhona beliyihlamuka iNkosi; pho, lizahlamuka kangakanani lapho sengifile na?

UDutheronomi 9:13

INkosi yaphinda yathi kimi: Ngibonile ukuthi lababantu bangabantu abanhliziyo zilukhuni.

UDutheronomi 9:6

Yazike ukuthi iNkosi uNkulunkulu wakho kayikuniki lelilizwe elihle ukuba libe ngelakho ngenxa yokulunga kwakho; ngoba uyisizwe esilenhliziyo elukhuni.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseKholose 2:11

Lasokelwa kuye ngokusoka okungenziwanga ngezandla, kodwa okulikhulula emandleni omzimba; lokhu kuyikusoka kukaKristu.