Imisebenzi 7:5 - iBhayibhili Elingcwele 1978

⁵ Kodwa kamnikanga ilifa kilo, ngitsho lelingangonyawo, kodwa wathembisa ukumnika lona libe ngelakhe lelenzalo yakhe emva kwakhe, lanxa wayengakabi lamntwana.

IBhayibhili Elingcwele LesiNdebele

⁵ Kamuphanga lifa lapha loba nje isiqintshana somhlabathi. Kodwa uNkulunkulu wamthembisa ukuthi yena lezizukulwane zakhe ngemva kwakhe babezalizuza ilizwe lelo libe ngelabo, loba nje ngalesosikhathi u-Abhrahama wayengelamntwana.

Imisebenzi 7:5 ပူးပေါင်းရင်းမြစ်များ

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

UGenesisi 15:18

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,

UGenesisi 16:2

USarayi wathi kuAbrama: Khangela, iNkosi ingivalile ukuzala; thatha incekukazi yami, mhlawumbe ngingazuza abantwana ngayo. UAbrama walalela ilizwi likaSarayi.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 23:4

wathi: Ngihlezi lani ngingowezizwe lomfokazi; nginikeni indawo phakathi kwenu yokuba ngimmbele ofileyo wami kuyo.

UGenesisi 26:3

hlala kulelilizwe, ngizakuba lawe ngikubusise; ngoba ngizakunika wena lenzalo yakho wonke lamazwe, ngiqinise isifungo engasifunga kuAbrahama uyihlo.

UNehemiya 9:8

wamfumanisa ethembekile kuwe, wenza laye isivumelwano sokunika inzalo yakhe ilizwe lamaKanani lamaHethi lamaAmori lamaPerizi lamaJebusi lamaGirigashi; usigcwalisile lesisithembiso sakho, ngoba wena ulungile.

UHezekhiyeli 33:24

Ndoda, abakhileyo endaweni ezichithekileyo elizweni lakoIsrayeli, balokhu besithi: UAbrahama wayemunye lapho enikwa ilizwe, kodwa thina sibanengi; ilizwe silinikiwe impela ukuhlala kilo.

UDutheronomi 10:11

INkosi yathi kimi: Suka, uhambe phambi kwabantu, bangene balithumbe ilizwe engafunga ukubanika lona okhokho babo.

UDutheronomi 11:9

lokuba lihlale isikhathi eside elizweni iNkosi eyafunga kubokhokho benu ukubanika lona lenzalo yabo, ilizwe eligcwele uchago lenyosi.

UDutheronomi 2:5

ukuba lingalwi labo; kangisoze ngilinike ilizwe labo, atshi bo! ngitsho lendawo elingana lonyawo nje, ngoba ngimnikile uEsawu intaba zaseSeyiri zibe ngezakhe.

UDutheronomi 34:4

INkosi yathi kuye: Yilo leli ilizwe engafunga kuAbrahama loIsaka loJakobe ngathi: Ngizakulinika inzalo yenu. Sengikuvumele ukuba ulibone ngamehlo akho, kodwa kawuyikuwela uye kilo.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.