Imisebenzi 5:5 - iBhayibhili Elingcwele 1978

⁵ Kwathi uAnaniya esizwa lamazwi, wawela phansi, wafa; ukwesaba okukhulu kwabehlela bonke abakuzwayo lokhu.

IBhayibhili Elingcwele LesiNdebele

⁵ U-Ananiya wonela ukukuzwa lokhu, wawela phansi wafa. Bonke abezwa ngalesisehlakalo bangenwa yikwesaba okukhulu.

Imisebenzi 5:5 ပူးပေါင်းရင်းမြစ်များ

2 AmaKhosi 2:24

Wanyemukula, wathi ukuba ababone wabaqalekisa ngebizo leNkosi. Kwaphuma ehlathini amabhere amabili amasikazi, abulala abangamatshumi amane lambili kulabo abafanyana.

1 ImiLando 13:12

UDavida wamesaba uNkulunkulu ngalolosuku, wathi: Pho, umtshokotsho kaNkulunkulu ngingawulondoloza njani na?

1 ImiLando 15:13

Ngoba lina lalingekho kuqala, iNkosi uNkulunkulu wethu yasitshaya, ngoba singakhulekanga kuyo ngendlela efaneleyo.

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 64:9

Bonke abantu bazakutshaywa luvalo, batshumayele izenzo zikaNkulunkulu, banakane ngalokho akwenzileyo.

UJeremiya 5:14

Ngakhoke iNkosi, uNkulunkulu wamabandla, ithi: Njengoba batsho njalo, ngizakwenza amazwi ami emlonyeni wakho abe ngumlilo, lalabobantu babe zinkuni, umlilo ubaqede.

UHezekhiyeli 11:13

Kwathi lokhu ngisatshumayela, uPelatiya indodana kaBenaya wafa. Ngasengisithi mbo ngobuso phansi, ngamemeza ngelizwi elikhulu ngathi: Hawu, Nkosi uNkulunkulu! Uzabaqeda abaseleyo koIsrayeli na?

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

Imisebenzi 13:11

Khangela, isandla seNkosi siphezu kwakho; uzakuba yisiphofu okwesikhathi ungaliboni ilanga. Kwasekumfikela masinyane ukufiphala lomnyama, wahamba edinga abazamdonsa ngesandla.

Imisebenzi 2:43

Wonke umuntu wehlelwa yikwesaba; kwenziwa ngabaphostoli izimangaliso lezibonakaliso ezinengi.

Imisebenzi 5:13

Kodwa kwabanye kwakungekho olesibindi sokuzihlanganisa labo, kodwa abantu babebahlonipha kakhulu.

1 AbaseKhorinte 4:21

Pho, lifunani na? Ngize kini ngiphethe induku, kumbe ngize ngilothando lomoya ochumileyo na?

2 AbaseKhorinte 13:10

Ngiloba lezizinto ngingekho, ukuze kuthi nxa ngifikayo, ngingabi bukhali ekusebenziseni amandla iNkosi eyanginika wona, abe ngawokwakha, angabi ngawokubhidliza.

2 AbaseKhorinte 13:2

Kulabo abonayo ngaphambili lakwabanye futhi ngiyaphinda ukuxwayisa kwami kwesibili, sengikutsho futhi ngingekho ukuthi ekufikeni kwami khathesi kangizukuba lasihawu,

2 AbaseKhorinte 7:11

Khangelani, khona lokhokudabukiswa kwenu okungendlela kaNkulunkulu kuveze kini ukukhuthala okungaka, lokuziphendulela, lokuthukuthela, lokwesaba, lokusilangatha, lokutshiseka, lokuthanda ukuba kwenziwe ukulunga. Kukho konke lazibonakalisa ukuthi kalilacala.

UDutheronomi 13:11

Wonke uIsrayeli uzakuzwa ngalokho, esabe, angabe esenza ububi obunjengalobo phakathi kwenu.

UDutheronomi 21:21

Ng’khona wonke amadoda alowomuzi azayikhanda ngamatshe. Ngalokho lizaqeda ububi phakathi kwenu; wonke uIsrayeli uzakuzwa, esabe.

UJoshuwa 22:20

Khumbulani ukuthi uAkani indodana kaZera wenza okubi ngezinto ezinikelwe eNkosini, lolaka lwehlela phezu kwalo lonke ibandla labakoIsrayeli. Kabhubhanga yedwa ngenxa yobubi bakhe.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 11:5

Uba kukhona ofuna ukubalimaza laba, kuphuma umlilo emilonyeni yabo, uqothule izitha zabo; uzakufa ngokunjalo ofisa ukubalimaza.