Imisebenzi 5:41 - iBhayibhili Elingcwele 1978

⁴¹ Ngakho basuka phambi komphakathi bethokoza, ngoba babefanele ukudunyazwa ngenxa yalelobizo.

IBhayibhili Elingcwele LesiNdebele

⁴¹ Abapostoli basuka eSanihedrini bethokoza ngoba basebebonakalisile ukuthi bangalimela ihlazo lokulihluphekela iBizo.

Imisebenzi 5:41 ပူးပေါင်းရင်းမြစ်များ

U-Isaya 51:7

Ngilalelani, lina elazi ukulunga, abantu abalomlayo wami enhliziyweni zabo; lingesabi ukusola kwabantu, lingapheli amandla ngenxa yokuthuka kwabo.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

U-Isaya 65:14

yebo, inceku zami zizahlabela ngokuthokoza, kodwa lina likhale ngenxa yokudabuka kwenhliziyo, lilile ngenxa yobuhlungu bomoya.

U-Isaya 66:5

Zwanini ilizwi leNkosi, lina elithuthumela ngelizwi layo elokuthi: Abafowenu abalizondayo, abalixotsha ngenxa yebizo lami, bathi: Kayibe lodumo iNkosi, ukuze sibone intokozo yenu; kodwake yibo abazakuyangeka.

ULukha 6:22

Libusisiwe, nxa abantu belizonda lanxa belixotshela ngaphandle, belithuka, belidela ibizo lenu ngokungathi libi ngenxa yeNdodana yomuntu.

UJohane 15:21

Kodwa bazakukwenza konke lokhu ngenxa yebizo lami, ngoba bengamazi ongithumileyo.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

Imisebenzi 5:21

Kwathi sebezwile lokhu, bangena ethempelini emadabukakusa, bafundisa. Kwasekufika umpristi omkhulu lalabo ababelaye, babizela ndawonye umphakathi wabo bonke abadala bakoIsrayeli, bathumela entolongweni ukuba balethwe.

AbaseRoma 5:3

Kakusikho lokhu kuphela; futhi asithokoze langenhlupheko zethu sazi ukuthi ukuhlupheka kuveza ukuphikelela,

2 AbaseKhorinte 12:10

Ngakhoke ngikholiwe yibuthakathaka, lokuhlekwa, lobunzima, lokuzingelwa, lokukhathazeka, ngenxa kaKristu; ngoba nxa ngibuthakathaka, kung’khona ngilamandla.

AbaseFiliphi 1:29

Ngoba ngenxa kaKristu lina labelwa, kangitsho ukukholwa kuphela, kodwa lokuhlupheka ngenxa yakhe,

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

UJakhobe 1:2

Bazalwane bami, nxa lisehlelwa yizilingo ngezilingo, kalibokuthi kuyikuthokoza kodwa,

3 UJohane 1:7

Ngoba baphumile ngenxa yakhe, bengamukeli lutho kwabezizwe.