Imisebenzi 5:16 - iBhayibhili Elingcwele 1978

¹⁶ Abantu abanengi abavela emizini ezingelezele iJerusalema babuthana beletha abagulayo labangenwe ngomoya ababi; basiliswa bonke.

IBhayibhili Elingcwele LesiNdebele

¹⁶ Amaxuku abantu abuthana eqhamuka emizini eyayiseduze kweJerusalema, eletha abagulayo lalabo ababehlukuluzwa yimimoya emibi, bonke basiliswa.

Imisebenzi 5:16 ပူးပေါင်းရင်းမြစ်များ

UMatewu 2:16

Kwathi uHerodi, esebonile ukuthi izazi zimphicile, wathukuthela kakhulu, wathumela wabulala bonke abafana baseBetlehema lasendaweni yonke yakhona, abaleminyaka emibili langaphansi, njengesikhathi abesibuzisisile kuzo izazi.

UMatewu 4:24

Udumo lwakhe lwaphumela elizweni lonke laseSiriya; baletha kuye bonke abagulayo, ababephethwe yizifo ngezifo lobuhlungu, lababengenwe ngomoya ababi, lababelesithuthwane, lezilima; wabasilisa.

UMatewu 8:16

Sekuhlwile, baletha kuye abanengi abangenwe ngomoya ababi. Wakhupha omoya ngelizwi, wasilisa bonke abagulayo,

ULukha 5:17

Kwathi ngolunye lwalezonsuku efundisa, kwakuhlezi khona abaFarisi labafundisi bomlayo abavela kuyo yonke imizi yaseGalili, laseJudiya, laseJerusalema. Lamandla eNkosi ayekuye ukuba asilise.

ULukha 6:18

lalabo ababekhathazwa ngomoya ababi basiliswa.

ULukha 9:11

Kwathi amaxuku esezwile amlandela; wawathakazelela, wakhuluma lawo ngombuso kaNkulunkulu, wabasilisa labo abadinga ukusiliswa.

UJohane 14:12

Ngiqinisile, ngiqinisile ngithi kini: Okholwa kimi, imisebenzi engiyenzayo uzakuyenza laye, lemikhulu kulale uzakuyenza; ngoba ngiya kuBaba.

Imisebenzi 4:30

ngokwelula isandla sakho ukusilisa, kwenziwe izibonakaliso lezimangaliso ngebizo leNceku yakho engcwele uJesu.

Imisebenzi 5:15

baze bakhuphela phandle emigwaqweni abagulayo, bababeka emathaleni lemacansini, ukuze kuthi lapho uPetro esiza, isithunzi sakhe nje sibasithe abanye babo.

Imisebenzi 5:17

Kwasekusuka umpristi omkhulu labo bonke ababelaye abangabehlelo labaSadusi, bagcwala umona,

1 AbaseKhorinte 12:9

omunye aphiwe ukukholwa ngalowoMoya, lomunye aphiwe iziphiwo zokusilisa ngaye uMoya lowo,

UJakhobe 5:16

Ngakhoke vumani izono zenu omunye komunye, likhulekelane ukuze lisiliswe. Umkhuleko womuntu olungileyo ulamandla kakhulu.