Imisebenzi 4:12 - iBhayibhili Elingcwele 1978

¹² Kakukho ukusiliswa ngomunye, ngoba kalikho elinye ibizo ngaphansi kwezulu elinikiweyo ebantwini, esingasiliswa ngalo.

IBhayibhili Elingcwele LesiNdebele

¹² Kakho omunye okulensindiso kuye; phela kalikho elinye ibizo ngaphansi kwezulu elaphiwa abantu ukuthi sisindiswe ngalo.”

Imisebenzi 4:12 ပူးပေါင်းရင်းမြစ်များ

UGenesisi 7:19

Amanzi anda kakhulu emhlabeni, zaze zasitshekelwa zonke intaba eziphakemeyo ezingaphansi komthunzi welanga.

UJobe 41:11

Ngubani ongayihlasela angalimali na? Kakho loyedwa emhlabeni.

AmaHubo 45:17

Ibizo lakho ngizakulenza likhunjulwe ezizukulwaneni zonke; ngakhoke izizwe zizakukubonga kuze kube nini lanini.

UMatewu 1:21

Uzakuzala indodana, uyithe ibizo uthi nguJesu, ngoba yena uzakusilisa abantu bakhe ezonweni zabo.

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 3:36

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

Imisebenzi 13:26

Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa.

Imisebenzi 2:5

Kwakuhlala eJerusalema abaJuda, amadoda akholwayo evela kuzo zonke izizwe ezingaphansi kwezulu;

1 AbaseKhorinte 3:11

Ngoba esinye isisekelo singebekwe muntu, kuphela leso esibekiweyo, esinguJesu Kristu.

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.