Imisebenzi 3:14 - iBhayibhili Elingcwele 1978

¹⁴ kodwa lina lamphika oNgcwele loLungileyo, lacela ukuba liphiwe umbulali,

IBhayibhili Elingcwele LesiNdebele

¹⁴ Lamphika oNgcwele njalo oLungileyo, lacela ukuthi likhululelwe umbulali.

Imisebenzi 3:14 ပူးပေါင်းရင်းမြစ်များ

AmaHubo 16:10

Ngoba kawungiyekelanga ngiye endaweni yabafileyo, kawuyikuvuma ukuba olungileyo wakho abone ukubola.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UMatewu 27:20

Kodwa abapristi abakhulu labadala bavumelana lamaxuku ukuba bacele uBarabasi, ambulale uJesu.

UMakho 1:24

wathi: Silani lawe Jesu waseNazaretha? Uze ukusibhubhisa na? Ngiyakwazi ukuba ungubani: ungoNgcwele kaNkulunkulu.

UMakho 15:11

Kodwa abapristi abakhulu bavusa ixuku ukuba kungcono alikhululele uBarabasi.

UMakho 15:7

Kwakukhona umuntu othiwa nguBarabasi ibizo lakhe, owayebotshiwe kanye labanye ababevukele umbuso; babulala abantu ekuvukeni.

ULukha 1:35

Isithunywa sathi kuye: UMoya oNgcwele uzakuba phezu kwakho, lamandla oPhezukonke azakukwambesa; ngakho umntwana ozakuzalwa uzakuthiwa ungcwele, uyiNdodana kaNkulunkulu.

ULukha 23:25

Wasemkhulula lowo ababemcelile owayefakwe entolongweni ngenxa yesiphithiphithi sokuvukela umbuso lokubulala; kodwa uJesu wamnikela kibo njengokuthanda kwabo.

UJohane 16:10

ngokulunga, ngoba ngiya kuBaba, kalisayikungibona futhi;

UJohane 18:40

Basebememeza futhi bathi: Atshi lumuntu, kodwa uBarabasi. Kodwa uBarabasi wayengumphangi.

Imisebenzi 13:28

lanxa bengafumananga icala lokufa kuye kodwa bacela kuPilatu ukuba abulawe.

Imisebenzi 2:27

Ngoba kawuyikuwutshiya umphefumulo wami endaweni yabafileyo, njalo kawuyikuvuma ukuba ongcwele wakho abone ukubola.

Imisebenzi 22:14

Wasesithi: UNkulunkulu wabokhokho ukumisile ukuba uyazi intando yakhe, lokuba ubone oLungileyo, uzwe ilizwi eliphuma emlonyeni wakhe,

Imisebenzi 4:27

Ngoba impela kulumuzi uHerodi loPontiyusi Pilatu, kanye labezizwe labantu bakoIsrayeli, bahlangana ndawonye ukuhlanganyela iNceku yakho engcwele uJesu owamgcobayo,

Imisebenzi 5:28

wathi: Salilayisisa ukuba lingafundisi ngebizo leli, kodwa, khangelani, seligcwalise iJerusalema ngemfundiso yenu, liqonde ukwehlisela igazi lalumuntu phezu kwethu.

Imisebenzi 7:52

Nguwuphi owabaprofethi okhokho benu abangamzingelanga na? Bababulala labo abamemezela ngaphambili ukuza koLungileyo, eselimnikele lambulala,

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

UJakhobe 5:6

Limlahlile, lambulala olungileyo; yena kaphindiseli.

1 UPhethro 3:18

Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,

1 UJohane 2:1

Bantwana bami, ngililobela lokhu ukuba lingoni; kodwa uba umuntu esona, siloMmeli kuBaba, uJesu Kristu olungileyo.

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,